Ministri i Mbrojtjes në Serbi, Millosh Vuçeviç, thotë se referimi i Kartës së OKB-së në propozimin evropian për normalizimin e marrëdhënieve ndërmjet Serbisë dhe Kosovës është në favor të Serbisë.
“Karta e OKB-së ka përmbajtjen e saj, ajo nuk mund të ndahet në copa”, tha ai për Radio Televizionin e Vojvodinës.
Ai ka përsëritur se Beogradi zyrtar e “di” se ku janë vijat e kuqe për Kosovën, por edhe se duhet të lërë “pak hapësirë për manovrim”.
“Nuk do të ketë as njohje të tërthortë dhe as të drejtpërdrejtë. Këtë nuk do ta lejoj Aleksandër Vuçiç”.
Kur është pyetur për mosvendosjen e sanksioneve ndaj Rusisë nga Serbia, Vuçeviç ka theksuar se “politikisht ne nuk jemi plotësisht neutral, sepse kemi në rrugë drejt BE-së.
“Jemi nën presion të madh dhe kemi dëme politike dhe ekonomike sepse nuk vendosim sanksione ndaj Rusisë, por nuk e shoh qëndrimin tonë të ndryshojë në këtë moment”, shtoi ai.
Duke folur për Lëvizjen Popullore për Shtetin, formimin e së cilës e paralajmëroi Vuçiç, ai tha se është “bashkim në mbrojtje të Serbisë kundër çdo forme presioni dhe shantazhi”.
“Ky është një moment që do të kërkojë bashkimin e të gjithë atyre që e shohin Serbinë si një shtet sovran që kujdeset për interesat e saj”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë