“Gjithmonë kam qenë dhe do të jem kundër rishkrimit të kufijve dhe kam qenë e vetmja që kam kritikuar Albin Kurtin kur ka votuar në Shqipëri”.
Kështu u përgjigj në një intervistë dhënë për N1, Raportuesja për Kosovën në Parlamentin Evropian, Viola von Cramon.
Asaj iu bë kjo pyetje në kuadër “të mos kundërshtimeve”, siç i tha intervistuesi, “ndaj deklarimit të Kryeministrit të Kosovës për Bashkim të Kosovës dhe Shqipërisë”.
Cramon e kishte kritikuar pjesëmarrjen e Kurtit në zgjedhjet në Shqipëri, gjë të cilën e kishte quajtur “të papranueshme”.
“Nuk mund ta kuptojë të gjithën këtë. Në njërën në Kosovë të gjithë ankohen për ndërhyrje nga Serbia dhe Aleksandër Vuçiç, ndërsa në anën tjetër Kryeministri i Kosovës voton në një shtet fqinj. Së paku për mua, kjo është e papranueshme”, kishte thënë Viola von Cramon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
