UBT ankohet: Komuna e Lipjanit e shkeli ligjin me rastin e dhënies në shfrytëzim të pronave të paluajtshme
Kolegji Ndërkombëtar për Biznes dhe Teknologji (UBT), ka pretenduar se komuna e Lipjanit ka shkelur ligjin me rastin e dhënies në shfrytëzim afatgjatë të pronave të paluajtshme, derisa ka kërkuar që procedura e përzgjedhjes të rikthehet në ri-shqyrtim.
“Komisioni i kërkon komunës së Lipjanit ta kthej lëndën në rishqyrtim dhe njëkohësisht ta shqyrtojë ofertën e paraqitur nga Kolegji Ndërkombëtar për Biznes dhe Teknologji”, thuhet në ankesën e këtij institucioni arsimor.
Në ankesë, UBT-ja ka propozuar që njoftimi për përzgjedhjen e procedurës për vendimmarrje dhe përzgjedhjen e ofertave të anulohet, meqë ishte i “ngutshëm” dhe se kjo sipas UBT-së mund të vërtetohet lehtësisht.
“Komisioni Vlerësues me rastin e shqyrtimit të aplikimit të Kolegjit Ndërkombëtar të Biznesit dhe Teknologjisë nuk është bazuar në faktet investive të parapara në projektin e UBT-së, por i ka dhënë përparësi ofertuesit Flooring Sh.P.K., i cili në ofertën e paraqitur ka pesë herë më të vogël se oferta e paraqitur nga UBT”, thuhet tutje në ankesë.
Po ashtu, në ankesë potencohet se është shkelur bërë shkeljen esenciale e dispozitave të procedurës së përgjithshme administrative.
Sipas ankesës, Komisioni Vlerësues me rastin e shqyrtimit të aplikimit të UBT-së në raport me fituesin në bazë të njoftimit ka ndryshim të madh në vlerën investive në numrin e punëtorëve si dhe qëndrueshmëri financiare.
“Kjo tregon se UBT jo vetëm që është trajtuar në mënyrë të pa barabartë, por është diskriminuar nga ofertuesit e tjerë”, thuhet në ankesë.
Ndryshe, UBT është institucion i njohur dhe i shquar në veprimtarinë intelektuale dhe kulturore në Kosovë, duke përmirësuar cilësinë e jetës në shkallë rajonale përmes aftësive, njohurisë, përvojës, dhe angazhimit të fakulteteve, stafit dhe studentëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi