Sveçla: Shtrirja e sovranitetit do të vazhdojë të jetë prioritet – integriteti territorial është i paprekshëm
Ministri i Punëve të Brendshme (MPB), Xhelal Sveçla, në prag të përmbylljes së një viti që ka qenë vërtetë vit i rrethanave të jashtëzakonshme e rrjedhimisht, një vit i zhvillimeve sfiduese, ka thënë se shtrirja e sovranitetit dhe luftimi i krimit do të vazhdojë të jetë prioritet edhe vitin tjetër.
Sveçla, nëpërmjet një postimi në “Facebook” të dielën, derisa ka bërë bilancin e vitit 2023 në raport me zhvillimet në pjesën veriore të vendit të banuar me shumicë serbe, ka thënë se Kosova ka triumfuar mbi krimin e terrorizmin, ndërsa ka shtuar se integriteti territorial është i paprekshëm.
“Shtrirja e sovranitetit dhe integritetit territorial, luftimi i krimit dhe korrupsionit ishte dhe do të vazhdojë të jetë prioritet i yni i përbashkët. Veriu i vendit tonë, që më herët ishte zonë e rehatisë dhe përfitimeve të grupeve kriminale, po i nënshtrohet çdo ditë e më shumë sundimit të rendit dhe ligjit”, ka shkruar ministri në prag të ndërrimit të motmoteve.
Ai ka përmenduar kidnapimin e tre zyrtarëve policorë në vijën kufitare – Rifat Zeka, Beqir Sefa dhe Shemë Mustafa – nga shërbimet e sigurisë të Serbisë, pasuar nga sulmi i armatosur terrorist i 24 shtatorit në Banjë të Zvecanit – komunë e banuar me shumicë serbe – në pjesën veriore të Kosovës, ku ka mbetur i vrarë Afrim Bunjaku, zyrtar i Policsë së Kosovës.
“Përkundër këtyre sfidave, Republika jonë triumfoi mbi krimin e terrorizmin. Zyrtarët tanë policorë dëshmuan se sovraniteti dhe integriteti territorial është i pacënueshëm e i paprekshëm, dhe si i tillë mbrohet edhe me jetë. Republika e Kosovës dëshmoi funksionalitet dhe zbatim të kushtetushmërisë e ligjshmërisë në çdo cep të vendit”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Borrell dhe liderët e Ballkanit Perëndimor takohen të mërkurën në drekë pune
-
Gërvalla në Kanada diskuton për sfidat e vendeve të prekura nga konfliktet
-
“Bizneset dhe ekonomia po kthehen në trajektoren e rritjes”, thotë Murati
-
Haradinaj: Po punojmë që më 9 shkurt Kosova të marrë drejtimin që i duhet për të ecur përpara
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Borrell dhe liderët e Ballkanit Perëndimor takohen të mërkurën në drekë pune