Nëntë persona kanë mbijetuar pasi një helikopter u rrëzua më 12 gusht në Gadishullin Kamchatka në Lindjen e Largët të Rusisë.
Kjo, sipas raportimeve të mediave ruse, të cilat kanë cituar zyrtarë të qeverisë lokale.
Ndërkaq po zhvillohet një kërkim për shtatë personat e mbetur që ishin në bordin e helikopterit.
Mjeti u rrëzua pak para orës 10 të mëngjesit me orën lokale në Rezervën Natyrore Kronotsky.
Ministria e Situatave Emergjente Ruse tha se 13 nga personat në helikopter ishin pasagjerë dhe tre ishin ekuipazh.
Marina Volkova, zëvendësministre e Shëndetësisë në rajonin Kamchatka, tha se kishte nëntë të mbijetuar.
“Sipas informacioneve tona, nëntë persona mbijetuan. Informacioni për pjesën tjetër të turistëve dhe anëtarëve të ekuipazhit është duke u hetuar”, tha zyrtarja ruse.
Shtatë nga të mbijetuarit ishin pasagjerë dhe dy ishin anëtarë të ekuipazhit, raportoi agjencia shtetërore e lajmeve “TASS”, duke cituar një përfaqësues të shërbimit të urgjencës.
Ministria e Situatave Emergjente citoi administratën rajonale të thoshte se helikopteri Mi-8 u zhyt në Liqenin Kuril në një krater vullkanik në rezervatin e natyrës dhe u fundos.
Punëtorët e shpëtimit me anije dhe zhytësit po kërkojnë për të mbijetuar të tjerë.
Operacioni i shpëtimit përfshin dhjetëra njerëz nga ministria dhe nga spitali i rrethit.
Sipas shërbimit për shtyp të Rezervës Natyrore Kronotsky, helikopteri i përket kompanisë Vityaz-Aero.
Avioni u prodhua në vitin 1984 në Ulan-Ude. Vityaz-Aero ka funksionuar që nga viti 2009 dhe ka një flotë prej më shumë se 20 helikopterësh Mi-8, raportoi “TASS”.
Rrëzimi i helikopterit vjen pak më shumë se një muaj pasi një aeroplan rus u rrëzua në Kamchatka, duke vrarë 28 persona në bord. Zyrtarët fajësuan pilotin për atë incident.
Marrë dhe Përshtatur nga Radio Evropa e Lirë për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi