Gjatë një takimi të Këshillit të Sigurimit, Rosemary DiCarlo, zëvendëssekretarja e përgjithshme e OKB-së për çështjet politike, ngriti një alarm në lidhje me situatën në Lindjen e Mesme.
Siç raporton gazeta libaneze “L’Orient le Jour”, DiCarlo paralajmëroi se rreziku i një përshkallëzimi të ri të ciklit të dhunës është jashtëzakonisht serioz dhe paraqet një kërcënim për stabilitetin e Libanit, Izraelit dhe të gjithë rajonit.
Përplasjet pas shpërthimeve të pajisjeve dhe shkëmbimet e zjarrit të regjistruara midis palëve në konflikt tregojnë “shenja shqetësuese të përshkallëzimit”.
Zyrtarja e lartë e OKB-së nënvizoi gjithashtu urgjencën e një armëpushimi të menjëhershëm, lirimin pa kushte të të gjithë pengjeve dhe nevojën për një rritje masive të ndihmës humanitare për Gazën.
“Nëse nuk ndalet, rrezikojmë të shohim një katastrofë edhe më të madhe”, paralajmëroi ajo
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
