Katër persona kanë ndërruar jetë dhe 17 të tjerë janë plagosur në një sulm ajror izraelit dje me shënjestër një spital në Gaza.
Kështu ka bërë me dije kreu i OBSH-së, Tedros Adhanom Ghebreyesus.
Sulmi në spitalin Al-Aqsa u dëshmua nga një ekip i Organizatës Botërore të Shëndetësisë i dërguar atje për të vlerësuar nevojat për Gazën veriore, sipas tij.
Sakaq, ushtria izraelite ka mohuar që spitali të ishte dëmtuar.
“Një ekip i OBSH-së ishte në një mision humanitar në spitalin Al-Aqsa në Gaza, kur një tendë brenda kompleksit spitalor u godit nga një sulm ajror izraelit”, ka thënë shefi i OBSH-së.
Ai ndërkohë nuk ka dhënë detaje për viktimat.
Tedros sakaq ka përsëritur apelin e tij që pacientët, punonjësit e shëndetësisë dhe punonjësit humanitarë të mbrohen gjatë konfliktit dhe që sulmet ndaj spitaleve të ndalen.
“Sulmet e vazhdueshme dhe militarizimi i spitaleve duhet të marrin fund. E drejta ndërkombëtare humanitare duhet të respektohet”.
Tedros po ashtu u ka kërkuar të gjitha palëve në konflikt të respektojnë rezolutën e Këshillit të Sigurimit të OKB-së që bën thirrje për armëpushim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla pret Wisner: SHBA, mbështetje Shqipërisë në sfidat e sigurisë publike
-
Osmani për Enver Zymberin: Guximi, përkushtimi dhe profesionalizmi i tij shembull i shërbimit dhe sakrificës për atdhe
-
Edhe zyrtarisht Lajçak-ut i zgjatet mandati deri më 31 janar 2025
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Balla pret Wisner: SHBA, mbështetje Shqipërisë në sfidat e sigurisë publike
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”