Nënshkruhet vendimi për liberalizimin e vizave për poseduesit e pasaportave ilegale serbe në Kosovë
Kryetarja e Parlamentit Evropian (PE), Roberta Metsola, dhe ministri i Çështjeve Evropiane të Hungarisë, Janos Boka, në cilësinë e përfaqësuesit të shtetit që aktualisht kryeson Këshillin e Bashkimit Evropian (BE), kanë nënshkruar të mërkurën në Strasburg të Francës vendimin për liberalizimin e vizave për serbët e Kosovës që posedojnë pasaporta të lëshuara nga Serbia.
Këto lloj pasaportash konsiderohen të pavlefshme nga autoritetet kosovare. Megjithatë, në fund të muajit korrik është publikuar vendimi i Këshillit të BE-së për anulimin e vizave për pasaportat e Serbisë të lëshuara për serbët e Kosovës. Komisioni Evropian (KE) ka propozuar heqjen e vizave për serbët në nëntor të vitit të kaluar, ndërsa PE-ja ka votuar pro në prill të këtij viti.
Në pasaportat e lëshuara nga Serbia për serbët që jetojnë në veri të Kosovës, vendbanimet e Kosovës figurojnë si vendbanime në Serbisë. Qytetarët e Kosovës nga 1 janari 2024 mund të lëvizin pa viza në zonën Schengen, prandaj njohja e këtyre pasaportave, që Serbia i lëshon për serbët në Kosovë, sipas shumë vëzhguesve, minon përpjekjet për integrimin e serbëve.
Ndryshe, vendimi pritet të hyjë në fuqi ditën e 20-të pas botimit në Gazetën Zyrtare të BE-së. Autoritetet në Kosovë vazhdimisht u kanë bërë thirrje qytetarëve serbë që të pajisen me pasaporta të Kosovës, ndërsa vendimin e BE-së për liberalizimin e vizave për mbajtësit e pasaportave të lëshuara nga e ashtuquajtura Drejtori Koordinuese e Serbisë e kanë cilësuar negativ.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke