Agjencia Kombëtare e Inteligjencës së Izraelit (Mossad) siguroi informacione që çuan në arrestimin e një iraniani të dyshuar për planifikimin e një sulmi me viktima masive në Gjermani.
Lajmi u bë i ditur nga faqja “Ynet News”.
Policia gjermane arrestoi më herët një shtetas iranian 32-vjeçar i dyshuar se kishte blerë helme vdekjeprurëse cianid dhe ricinë.
Këto, për të kryer një sulm “të motivuar nga islamizmi”, thanë të dielën autoritetet në Gjermaninë perëndimore.
Burimet izraelite konfirmuan përfshirjen e Mossad-it pasi gazeta gjermane e lajmeve “Bild” raportoi se agjencia e inteligjencës së një vendi mik dha informacione kritike.
Vendbanimi i të dyshuarit në qytetin e Castrop-Rauxel u kontrollua si pjesë e hetimit, sipas një njoftimi të përbashkët për shtyp nga zyra e prokurorit publik të Duseldorfit dhe policia në qytetet Recklinghausen dhe Muenster.
Sipas policisë, kjo dënohet me burgim nga 6 muaj deri në 10 vjet.
Në Izrael, zyrtarët e sigurisë po kryejnë hetime të mëtejshme, duke hetuar nëse i dyshuari iranian po planifikonte të dëmtonte objektiva hebreje ose izraelite.
Castrop-Rauxel ndodhet në North Rhine-Westphalia, shteti më i populluar i Gjermanisë.
Policia gjermane tha se një individ i dytë u arrestua si pjesë e kërkimeve, duke shtuar se një vendim nëse do të lëshohej një urdhër-arresti zyrtar do të merret në një datë të mëvonshme ndërsa hetimi po vazhdon.
Një zëdhënës i prokurorisë publike ka konfirmuar se personi është vëllai i të dyshuarit.
Ricina, që gjendet natyrshëm në fasulet e ricinit, mund të shkaktojë vdekjen brenda 36 deri në 72 orëve nga ekspozimi ndaj një sasie aq të vogël sa një kokë gjilpëre.
Nuk ekziston asnjë antidot i njohur.
Sipas shërbimeve të brendshme gjermane të inteligjencës, numri i anëtarëve ose mbështetësve të kauzave islamike është zvogëluar me 1.5 për qind në 28 mijë e 290 individë në vitin 2021, duke përmendur “shpërbërjen ushtarake” të grupit militant Shteti Islamik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
ASK-ja: Komuniteti serb në jug po regjistrohet – për hezitimin e qytetarëve në Veri kemi zhvilluar takim me institucione ndërkombëtare
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku
-
Jinping do të vizitojë Francën, Serbinë dhe Hungarinë nga 5-10 maj
Lajmet kryesore
-
Tritoli në banesën e gjyqtarit, Unioni i Gjyqtarëve: Akt kriminal, kërcënim ndaj të gjithë magjistratëve
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Duke treguar përgjegjësi të guximshme për Evropën tonë
-
Kosova refuzoi “zgjidhje afatgjatë” nga Escobari për dinarin, preferon “kompromis të negociuar” nga Lajçaku