Moskë: 735 të arrestuar në protestat kundër agresionit rus në Ukrainë

Të paktën 735 persona janë arrestuar në protestat kundër luftës në të gjithë Rusinë pas tentativës për pushtim të Ukrainës.

Demonstruesit u arrestuan në 40 qytete, sipas “OVD-Info”, e cila gjurmon arrestimet në mitingjet e opozitës.

Më shumë se 330 persona janë arrestuar në Moskë, thuhet në deklaratë.

Janë shfaqur imazhe të policisë ruse duke arrestuar protestuesit në sheshin Pushkinskaya të Moskës qendrore.

Një imazh i marrë nga një fotograf i “AFP-së” në vendngjarje tregon oficerët që ndalojnë një burrë duke mbajtur një pankartë ku shkruhej, “Jo luftës me Ukrainën! Putin të japë dorëheqjen”.

Imazhet e tjera tregojnë oficerët duke bllokuar sheshin. Një gazetar i “The Guardian” në vendngjarje tha në Twitter se ka një “prezencë shumë të madhe policie” në zonë.

Në SHBA, një tubim pro-ukrainas pritet të zhvillohet jashtë Shtëpisë së Bardhë në Washington në orën 16:30 me orën lokale (21:30 GMT).

Situata atje është në një kaos tërësor, ku lajme të shumta po qarkullojnë mbi luftimet që po zhvillohen në Ukrainë.

Ato filluan në orët e para të mëngjesit të 24 shkurtit, pasi presidenti rus, Vladimir Putin, i shpalli luftë Ukrainës dhe urdhëroi të nisnin bombardimet.

Lexo ngjarjen e plotë duke klikuar KËTU

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.