Kemi parë disa versione se çfarë mund të sjellë Apple me modelin e ri të telefonave Iphone 15 Pro dhe iPhone 15.
Por, si duket nuk po mjafton e gjithë kjo pasi që për herë të parë mund të shohim se si mund të duket një iPhone 15 Plus.
Tani, në pamje të parë, gjërat nuk duken aq ndryshe nga modeli aktual Plus, por nëse shikoni nga afër, filloni të shihni disa ndryshime të vogla.
Ndoshta ndryshimi më i madh nga iPhone 14 Plus është Ishulli i ri Dinamik. Sigurisht, kjo nuk vjen si një surprizë e plotë, pasi më parë ishte thënë se tipari kryesor i iPhone 14 Pro do të futej në modelet e tjera në vitin 2023.
Por një ndryshim i vogël mund të bëjë ndikim të madh.
Për më tepër, njerëzit në 9to5Mac gjithashtu morën dimensione për iPhone 15 Plus, dhe pohojnë se ai do të vijë në matjen 160.87mm x 77.76mm x 7.81mm.
Kur kjo krahasohet me modelin aktual, është pak më i ngushtë, dhe vetëm pak më i trashë.
Për më tepër, kur shikoni modulet e kamerave të të dy aparateve, mund të shihni se modeli i ardhshëm do të jetë pak më i trashë.
Ajo që mund të vini re gjithashtu është se dizajni i përgjithshëm nuk është aq me kënde të drejta sa më parë, me skaje më të lëmuara, gjë që mund t’u japë përdoruesve një ndjesi më të mirë në dorë.
Sigurisht, kemi për të pritur, deri ne publikimin e pajisjes në fjalë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Lajçak me kërkesë për shoqëritë në Kosovë dhe Serbi: S’ka të ardhme evropiane pa normalizim të marrëdhënieve, ta kuptoni këtë