Ministri i Mbrojtjes, Ejup Maqedonci, është takuar këtë të premte është takuar me ambasadorin e Francës në Kosovë, Olivier Guerot, me të cilin kanë biseduar rreth situatës së sigurisë në vend dhe rajon.
Siç njofton ministri Maqedonci përmes një postimi në Facebook, ata kanë biseduar edhe për rëndësinë e thëllimit të bashkëpunimit ndërmjet dy shteteve.
“Theksova që si shtet që në vazhdimësi kemi përkrahur vlerat perëndimore, Kosova mbetet e përkushtuar në rrugëtimin drejt anëtarësimit në BE dhe NATO. Besojmë në sundimin e ligjit dhe ofrimin e sigurisë për të gjithë qytetarët pa dallim”, shkroi Maqedonci.
Nga ana e tij, ambasadori francez, siç theksohet në njoftimin e ministrit, ka vlerësuar lartë mënyrën se si organet e sigurisë në koordinim me KFOR-in reaguan në rastin e sulmit terrorist të 24 shtatorit, “duke treguar kështu shkallë të lartë profesionalizmi”.
“Ndërsa shprehu bindjen e thellë se sovraniteti dhe integriteti territorial i Republikës së Kosovës është çështje e padiskutueshme”.
Maqedonci pohoi se i ka shprehur mirënjohje ambasadorit Guerot për kontributin që Franca e ka dhënë si pjesë e KFOR-it.
Si përfundim, ministri ka theksuar se të dy janë dakorduar për të thelluar bashkëpunimin në fushat që i shërbejnë sigurisë, paqes dhe stabilitetit në vend dhe rajon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hoti: Reformat fiskale janë dështim tjetër i qeverisë, për 4 vjet s’është ndërmarrë asnjë esenciale
-
Vdes një i burgosur në Spitalin Rajonal të Gjilanit
-
Dorëhiqet kryetari i degës më të madhe të VV-së në Drenas: U punësuan njerëz në institucione në mënyrë të pandershme
-
Kurti takon Koopman-in, zotohet që plotësisht t’i zbatojë obligimet që dalin nga Marrëveshja Bazike
