Kurti pas takimit me Shefin e CIA-s: Vizitë historike, dëshmi e marrëdhënieve të forta mes dy vendeve
Kryeministri i Kosovës, Albin Kurti, pas takimit me Shefin e Agjencisë Qendrore Amerikane të Inteligjencës (CIA), William Burns, ka thënë se në këtë takim u theksua përkushtimi i Qeverisë dhe institucioneve të sigurisë dhe inteligjencës së Kosovës, me në krye AKI-në, për të avancuar bashkëpunimin me CIA-n.
Kështu të paktën ka njoftuar Qeveria e Kosovës, përmes një komunikate për media, ku theksohet se kjo vizitë përfaqëson një moment të rëndësishëm historik në marrëdhëniet bilaterale Kosovë – ShBA.
“Vizita historike e Drejtorit të CIA-s, William Burns, në Kosovë, vlerësohet lartë nga Qeveria e Republikës së Kosovës. Ajo është dëshmi e marrëdhënieve të forta dhe të qëndrueshme midis dy shteteve dhe është një mundësi e artë për të thelluar bashkëpunimin strategjik, për paqen dhe sigurinë në rajon dhe më gjerë”, thuhet aty.
Aty potencohet se Kurti e falënderoi Drejtorin e CIA-s për mbështetjen e vazhdueshme dhe shprehu përkushtimin për thellimin e bashkëpunimit në fushat me interes të përbashkët, duke e njoftuar atë që vlerat amerikane, që ndërlidhen me demokracinë, sundimin e rendit dhe ligjit dhe orientimet e palëkundura Euroatlantike, do të mbeten shtyllat qendrore të qeverisjes së mirë e demokratike në Kosovë.
“Kryeministri Kurti e njoftoi Drejtorin Burns me rritjen dhe zhvillimin ekonomik si dhe progresin shoqëror e demokratik të Kosovës, duke theksuar që të gjitha sfidat e brendshme të sigurisë po menaxhohen suksesshëm me forcën e ligjit të drejtë të shtetit tonë demokratik. Në këto tri vitet e fundit, ai shtoi që Bruto Produkti Vendor i Kosovës është rritur për 33% kurse buxheti shtetëror për 35%, me ç’rast 11.1% (apo 1/9) e buxhetit vjetor i dedikohet Ministrisë së Punëve të Brendshme dhe Ministrisë së Mbrojtjes”.
Shefi i CIA-s ka qëndruar të enjten dhe të premten në Kosovë.
Fillimisht ka takuar Presidenten Vjosa Osmani, së bashku me Shefin e Agjencisë Kosovare të Inteligjencës (AKI), Petrit Ajeti.
Ndërsa, të premten është takuar me kryeministrin Albin Kurti.
Vizita në Kosovë e Shefit të CIA-s vjen në kuadër të “turneut ballkanik” të kësaj jave, ndonëse nuk janë dhënë fare detaje specifike rreth arsyes së vizitës.
Fillimisht, Burns vizitoi Bosnje e Hercegovinën më 20 gusht, ndërsa më 21 gusht, qëndroi në Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqiptarët sërish do të protestojnë në Serbi
-
Brnabiç s’e konfirmon tërheqjen e letrës dërguar BE-së kundër Marrëveshjes së Brukselit/Ohrit
-
Osmani s’e përjashton mundësinë që me zgjedhjen e Trump-it “mund të lindin disa sfida”
-
Media e afërt me pushtetin serb: Vuçiç po e konsideron opsionin për ta shpallur Kosovën “territor të okupuar”
Lajmet kryesore
-
Akuza dhe kundërakuza – Si u përfol emri i drejtuesit të Policisë së Shkodrës për lidhje me bandat kriminale
-
Manastirliu për rishikimin e buxhetit: Më shumë financim për arsimin, mbështetje për mësuesit dhe infrastrukturën shkollore
-
Rusia pretendon fillimin e luftimeve në rajonin e Kurskut
-
Osmani s’e përjashton mundësinë që me zgjedhjen e Trump-it “mund të lindin disa sfida”