Kurti mbështet partinë e Gjukanoviç-it: Të qëndrojmë pranë atyre që besojnë se e ardhmja qëndron në luftën kundër shovinizmit
Kryeministri i Kosovës, Albin Kurti, i ka dhënë mbështetje Partisë Demokratike të Socialistëve (DPS) – partia e ish-presidentit të Malit të Zi, Milo Gjukanoviç – në konferencën zgjedhore komunale të DPS-së që u mbajt të enjten në Podgoricë.
Përmes një video-adresimi, që është publikuar nga DPS-ja në platformën X, Kurti i ka uruar punë të mbarë, duke theksuar se konferenca të cilën ishin duke e mbajtur, duhet të konfirmojë karakterin evropian, civil dhe progresiv, si dhe rrugën e drejtë.
“Ne do të qëndrojmë gjithmonë pranë atyre që besojnë se e ardhmja jonë e përbashkët është në Bashkimin Evropian, drejt të cilit po ndërtojmë ura së bashku bazuar në marrëdhëniet e fqinjësisë së mirë, mirëqenien e qytetarëve tanë, sigurinë e Atlantikut të Veriut, luftën kundër krimit dhe korrupsionit, si dhe luftën kundër nacionalizmit ekstrem dhe shovinizmit që tenton të na kthejë në fillim të viteve 90 të shekullit të kaluar”, ka thënë Kurti.
🇲🇪🤝🇽🇰 @albinkurti u ime @LVetevendosje uputio podršku Opštinskoj izbornoj konferenciji #DPSPodgorica: Stojaćemo uvijek uz one koji vjeruju da je naša zajednička budućnost u #EU 🇪🇺#DPSCG #PolitikaCG #CrnaGora 🇲🇪 pic.twitter.com/0IjWHFruSZ
— DPS – Crne Gore (@DPSCrneGore) June 20, 2024
Kreu i ekzekutivit kosovar ka dhënë mbështetje në emër të partisë së tij, Lëvizjes Vetëvendosje, e cila ka ideologji të njëjtë me DPS-në, të majtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë