Kryeministri i Kosovës, Albin Kurti, ka mbledhur këtë të shtune drejtuesit e qendrave të partisë që ai e udhëheqë, Lëvizja Vetëvendosje, të cilëve iu ka folur për dialogun me Serbinë, dhe zhvillimet e fundit në këtë proces.
“Për situatën politike Kryeministri Kurti ka folur rreth aktualitetit politik në vendin tonë. Gjithashtu drejtuesit e qendrave u njoftuan dhe debatuan mbi ecurinë e procesit të dialogut dhe zhvillimet e fundit me të”, thuhet në njoftimin e VV-së.
Jashtë kësaj, në këtë takim siç njoftojnë nga VV-ja janë trajtuar edhe çështjet organizative të kësaj partie, “me ç’rast është theksuar rëndësia e bashkërendimit organizativ në mes të strukturave organizative të LV-së dhe organizatës së saj, RVV-së.”
Ndryshe, në takimin e nivelit të lartë, që u mbajt në Bruksel me 2 maj, në mes të Kryeministrit të Kosovës, Albin Kurti, dhe presidentit serb, Aleksandër Vuçiç, në kuadër të dialogut Kosovë-Serbi, i ndërmjetësuar nga Bashkimi Evropian, pati dakordim për miratimin e deklartaës për personat e pagjetur gjatë luftës së fundit në Kosovë.
Po ashtu, në atë takim u prezantua edhe draft-statuti i Asociacionit të Komunave me Shumicë Serbe, nga ekipi menaxhues, që ishte i emëruar nga qeveria e Kosovës, e që për kryesusese kishte deputeten e parlamentit serb, Danjela Vujçiç – nga radhët e partisë së Vuçiç-it.
Mirëpo, ai draft-statut u refuzua nga kryeministri Kurti, pasi që tha se ishte në kundërshtim me Kushtetutën e Kosovës.
Gjithashtu, kreu i ekzekutivit kosovar prezantoi një draft-vizion të tij për Asociacionin e Komunave me Shumicë Serbe, e që ishte i njëjtë me modelin kroat.
Ky takim kishte ardhur pasi që Kurti dhe Vuçiç kishin dhënë PO-në e tyre për marrëveshjen për normalizimin e marrëdhënieve në mes të Kosovës dhe Serbisë, fillimisht në Bruksel me 27 shkurt, dhe e përforcuar me aneksin e saj në Ohër të Maqedonisë së Veriut, me 18 mars.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi