Kryeministri i Kosovës, Albin Kurti, gjatë takimit me Përfaqësuesin e lartë të Bashkimit Evropian, Josep Borrell dhe Përfaqësuesin special të BE-së, Miroslav Lajçak, ka biseduar për procesin e dialogut me Serbinë.
“Në kuadër të vizitës në Bruksel, për mbledhjen e katërt të Këshillit të Stabilizim-Asociimit, Kryeministri Kurti, në takim me Borrell dhe Lajçak, diskutuan mbi procesin e dialogut ndërmjet Kosovës dhe Serbisë dhe të ardhmen e tij”, thuhet në njoftimin e kryeministrisë.
Në këtë takim të përbashkët me Zëvendëskryeministrin e Republikës së Kosovës për Integrim Evropian, Zhvillim dhe Dialog, Besnik Bislimi, Kurti ri-konfirmoi gatishmërinë dhe përkushtimin e Qeverisë së Kosovës për agjendën evropiane.
Po ashtu, në njoftim theksohet se është biseduar edhe për thellimin e bashkëpunimit bilateral ndërmjet Kosovës dhe BE-së dhe rrugën e Kosovës drejt integrimit evropian.
Ndërkaq, Komisionari i BE-së për Fqinjësi dhe Zgjerim, Oliver Varhelyi, përmes një postimi në llogarinë e tij në Twitter, ka shkruar se gjatë takimit bashkë me Kurtin diskutuan për reformat në drejtësi dhe zbatimin e planit ekonomik.
“Me kryeministrin Kurti përpara takimit të sotëm të Këshillit të Stabilizim-Asociimit të BE-së për Kosovën, diskutuam rëndësinë e zbatimit të shpejt të Planit Ekonomik dhe Investimeve për Ballkanin Perëndimor, punën e vazhdueshme për reformat, përfshirë reformën në drejtësi, luftën kundër krimit të organizuar”, ka shkruar Varhelyi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lista Serbe kërkon nga SHBA-të një përfshirje më të madhe në mbrojtjen e të drejtave të serbëve
-
Gjykimi ndaj ish-krerëve të UÇK-së – Prokuroria pritet të përfundojë me dëshmitarët në prillin e vitit të ardhshëm
-
S’preferojmë të bashkëpunojmë me LVV-në, PDK-ja do t’i fitojë zgjedhjet, thotë Krasniqi
-
Ekonomia e Kosovës në “moment kritik” – rritja ekonomike, iluzion i inflacionit
Lajmet kryesore
-
Dita Ndërkombëtare e Paqes, Begaj: Konfliktet, rrezik serioz për sigurinë
-
Stërvitja “Corridor VIII Response” thekson rëndësinë strategjike të Shqipërisë në NATO, thotë Vëngu
-
Lindja e Mesme: Konflikti ka shpërthyer, por një luftë totale nuk është në interesin e askujt
-
Gjykimi ndaj ish-krerëve të UÇK-së – Prokuroria pritet të përfundojë me dëshmitarët në prillin e vitit të ardhshëm