Japonia sanksionon oligarkët rusë dhe zyrtarët bjellorusë për agresionin në Ukrainë

Kryeministri japonez Fumio Kishida tha se vendi do të sanksionojë oligarkët rusë dhe zyrtarët bjellorusë, duke përfshirë presidentin Alexander Lukashenko, për agresionin rus në Ukrainë.

Në një konferencë për shtyp të enjten, Kishida tha se Japonia do të ngrijë asetet e oligarkëve, pas vendimit të së dielës për të pezulluar asetet financiare të presidentit rus Vladimir Putin dhe zyrtarëve të tjerë kryesorë të qeverisë.

Japonia do të ndalojë gjithashtu transaksionet financiare me shtatë banka të mëdha ruse, përveç kufizimit të transaksioneve me Bankën Qendrore Ruse dhe forcimit të kontrolleve mbi eksportet e artikujve dhe gjysmëpërçuesve të kontrolluar ndërkombëtarisht.

“Ne, së bashku me vendet perëndimore, kemi marrë sot masat e nevojshme të brendshme për të izoluar Rusinë nga sistemi financiar ndërkombëtar dhe ekonomia globale”, u tha Kishida gazetarëve të enjten.

Japonia do të vendosë gjithashtu sanksione ndaj Bjellorusisë, përfshirë Presidentin Lukashenko dhe zyrtarë të lartë, për mbështetjen e vendit ndaj agresionit ushtarak të Rusisë, duke dënuar Bjellorusinë për lejimin e trupave ruse të hyjnë në Ukrainë përmes territorit të saj.

Shtetet e Bashkuara, Mbretëria e Bashkuar dhe Bashkimi Evropian kanë vendosur tashmë sanksione kundër individëve dhe subjekteve bjelloruse për përfshirjen e vendit në agresionin e Rusisë.

Për të ndjekur zhvillimet e ditës së tetë të luftimeve, kliko KËTU

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.