Prodhuesi kinez i pajisjeve telefonike, Huawei, ka apeluar një vendim gjykate i cili lejon rregullatorin suedez të telekomunikacionit PTS të rinisë ankandet e spektrit 5G, teksa planifikon përjashtimin e tij nga rrjetet 5G në vend.
Sipas Reuters, gjykata suedeze mbështeti një apelim të PTS-së kundër vendimit për të ndaluar ankandet dhe njëkohësisht, i tha Huawei-t të ndjekë rrugën ligjore për përjashtimin nga përhapja e rrjetit 5G.
Kompania ka deklaruar se “ka paraqitur një ankesë në gjykatën supreme administrative” duke shtuar se kushtet paraprake të vendosura nga PTS e përjashtojnë atë nga tregu suedez.
Nga ana tjetër, PTS ka deklaruar se do të rinisë ankandet pas sfidës ligjore me Huawei-n.
Ky përjashtim i kompanisë nga rrjeti 5G rezulton të ketë ardhur si pasojë e pretendimeve se lejimi do të rrezikonte sigurinë përmes spiunimit, mirëpo sipas Reutets, Huawei e ka mohuar faktin se diçka e tillë mumd të ndodhë.
Kompania ka thënë gjithashtu për Reuters se ka qenë e gatshme të plotësonte kërkesat që qeveria suedeze mund të vendoste për rrjetin 5G dhe të merrte masat e nevojshme për të larguar shqetësimet./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë