Gruhonjiç: Reagimi i Perëndimit ndaj terrorizmit të 24 shtatorit, shuplakë e rëndë për regjimin e Vuçiçit
![](https://albanianpost.com/wp-content/uploads/2024/02/banjska-1.jpg)
Dinko Gruhonjiç, kryetar i Asociacionit të Pavarur të Gazetarëve të Vojvodinës, tha se reagimi i bashkësisë perëndimore ndaj sulmit terrorist të paramilitarëve serbë në Banjë të Zveçanit – komunë e banuar me shumicë serbe – në veri të Kosovës, ishte një “shuplakë e rëndë” për presidentin serb, Aleksandër Vuçiç, i cili tani është nën “dioptrinë e dyfishtë” të NATO-s.
Në një intervistë për “Autonomija” të hënën, ai theksoi se reagimi efektiv i autoriteteve të Kosovës ndaj përpjekjes së presidentit serb që të kryej një “aksion të shpejtë” në Kosovë, në bazë të modelit të presidentit rus, Vladimir Putin, në pushtimin e Ukrainës, mund të jetë dëshmi se autoritetet kosovare bashkëpunuan ngushtë me shërbimet e intelegjencës perëndimore.
![](https://albanianpost.com/wp-content/uploads/2024/03/gruhonjuc.jpg)
“Mënyra në të cilën autoritetet e Kosovës reaguan në mënyrë efektive ndaj përpjekjes së “little green men” të modeluar sipas aneksimit të Krimesë nga Putini, është dëshmi se autoritetet kosovare bashkëpunuan me shërbimet e inteligjencës perëndimore dhe ‘mashtruan’ Vuçiçin i cili besoi se ai mund të të kryejë një lloj ‘blitzkrieg’ në Kosovë”, nënvizoi Gruhonjiç.
Millan Radoiçiç, ish-nënkryetari i Listës Serbe – forca më e madhe politike e serbëve të Kosovës – pranoi publikisht përgjegjësinë për organizimin dhe pjesëmarrjen në sulmin e 24 shtatorit. Megjithatë, ai dhe të tjerët që janë përgjegjës për terrorizmin e vitit të kaluar në territorin kosovar nuk janë thirrur ende nga organet e drejtësisë në Serbi të japin përgjegjësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet