Qeveria gjermane ka shpallur një diplomat rus non grata. Ky vendim vjen si përgjigje ndaj dëbimit të diplomatëve evropian, nga Moska javën e kaluar.
“Zyra e Jashtme shpalli sot non grata një punonjës të ambasadës ruse në Berlin”, tha një zyrtar nga ministria gjermane.
Bashkë me këtë lëvizje është bashkuar dhe Polonia e Suedia, të cilat dëbuan diplomatët rusë në vendet e tyre.
Moska zyrtare reagoi për dëbimet, duke e quajtur vendimin “të pabazuar”.
Rusia dëboi tre diplomatë evropianë javën e kaluar, duke i akuzuar ata për pjesëmarrje në tubime “të paautorizuara” në mbështetje të kritikut të Kremlinit, Alexi Navalny.
“Veprime të tilla nga ana e tyre janë të papranueshme dhe nuk korrespondojnë me statusin e tyre diplomatik”, u tha nga përfaqësuesi zyrtar i ministrisë së Jashtme ruse.
Bashkimi Evropian e ka dënuar këtë sjellje dhe përmes përfaqësuesit të saj, është shprehur se nuk ka asnjë sens logjik mbi këtë arsyetim.
Kancelarja gjermane, Angela Merkel, më herët e dënoi burgimin e Navalny-t dhe dëbimin e diplomatëve nga Gjermania, Suedia e Polonia.
Lidhjet midis Rusisë dhe BE-së janë përkeqësuar në javët e fundit, pikërisht për këtë arsye.
Navalny-n, u arrestua në Moskë pas kthimit të tij në 17 Janar nga Gjermania, ku ai kishte marrë trajtim pas një helmimi të pretenduar në Rusi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Borrell dhe liderët e Ballkanit Perëndimor takohen të mërkurën në drekë pune