Ministri i Punëve të Brendshme të Serbisë, Ivica Daçiç, ka pretenduar të dielën se përveç Rusisë dhe Kinës, për herë të parë ka ndodhur që edhe Shtetet e Bashkuara dhe Bashkimi Evropian t’i japin mbështetje presidentit serb, Aleksandër Vuçiç, posaçërisht rreth të ashtuquajturave “masa” që Serbia i ka parashtruar në mënyrë teatrale javën e kaluar rreth Kosovës.
“Tani, situata ka ndryshuar. Çdo gjë që thonë vendet perëndimore, në fakt janë përsëritje të deklaratave të Vuçiçit. Për herë të parë ndodhi që Shtetet e Bashkuara, Bashkimi Evropian, Rusia dhe Kina të mbështesin masat e Vuçiçit për Kosovën”, ka deklaruar ministri serb, ashtu sikurse është cituar dhe transmetuar nga portali në gjuhën serbe “Kosovo Online” gjatë ditës.
Kërkesat e Vuçiçit, ndër të tjera, përfshijnë shpalljen dhe mbajtjen e “zgjedhjeve të lira dhe demokratike” në veriun e Kosovës të banuar kryesisht me shumicë serbe dhe kthimin e serbëve në Drejtorinë Rajonale të Policisë së Kosovës për rajonin e veriut, përfshirë kthimin e gjyqtarëve dhe prokurorëve serbë në funksionet e tyre, nga të cilat janë larguar në fund të vitit 2022.
Bashkimi Evropian e ka cilësuar “pozitive” thirrjen e presidentit të Serbisë për riintegrimin e serbëve në të gjitha institucionet e Kosovës, ndërsa Shtetet e Bashkuara kanë bërë thirrje që Kosova dhe Serbia të vazhdojnë dialogun për normalizimin e marrëdhënieve dhe të përmbahen nga retorika nxitëse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rexhep Rexhepi, Mbreti i ri i pavarur i orëve të papërsosura
-
Gërvalla mbërrin në New York për takime me “përfaqësues të lartë të shteteve” në kuadër të Javës së Nivelit të Lartë të OKB-së
-
Të paktën 51 persona humbën jetën nga shpërthimi në një minierë qymyrguri në Iran
-
Rezultatet e para nxjerrin fitues Socialdemokratët e Scholz në Brandenburg
Lajmet kryesore
-
Rexhep Rexhepi, Mbreti i ri i pavarur i orëve të papërsosura
-
Kushtetuesja i mbyll derën kompensimit të profesioneve të lira
-
Rezultatet e para nxjerrin fitues Socialdemokratët e Scholz në Brandenburg
-
Serbia mund të ‘rrethohet’ nga Bayraktarët: Pas Kosovës dhe Shqipërisë, një shtet tjetër ballkanik synon t’i blejë dronët e Turqisë