Banka e Japonisë i jep fund politikës radikale, bën rritjen e parë të normës në 17 vjet

Banka e Japonisë i ka dhënë fund tetë viteve të normave negative të interesit dhe mbetjeve të tjera të politikës së saj.

Së fundmi ka bërë një zhvendosje historike larg fokusit të vet të rritjes me dekada të stimulimit masiv monetar.

Teksa lëvizja ishte rritja e parë e normave të interesit të Japonisë në 17 vjet, ende i mban normat e mbërthyera rreth zeros pasi një rimëkëmbje e brishtë ekonomike e detyron bankën qendrore të ecë ngadalë në rritjen e mëtejshme të kostove të huamarrjes, thonë analistët.

Ndryshimi e bën atë bankën e fundit qendrore që del nga normat negative dhe i jep fund një epoke në të cilën politikëbërësit në mbarë botën kërkuan të mbështesin rritjen përmes parave të lira dhe mjeteve monetare jo-konvencionale.

“Ne iu kthyem një politike monetare normale që synon normat afatshkurtra të interesit, si me bankat e tjera qendrore”, ka thënë guvernatori Kazuo Ueda.

“Nëse tendenca e inflacionit rritet pak më shumë, kjo mund të çojë në një rritje të normave afatshkurtra”, ka shtuar Ueda, pa shtjelluar ritmin e mundshëm dhe kohën e rritjes së mëtejshme të normave.

Në një vendim gjerësisht të pritshëm, banka hoqi dorë nga një politikë e vendosur që nga viti 2016 nga ish-guvernatori Haruhiko Kuroda, i cili aplikonte një tarifë prej 0.1% për disa institucione financiare të rezervave të tepërta të parkuara me bankën qendrore.

Banka e Japonisë vendosi normën njëditore si normën e saj të re të politikës dhe vendosi ta drejtojë atë në një interval prej 0-0,1% pjesërisht duke paguar 0,1% interes për depozitat në bankën qendrore.

“Banka mori sot hapin e saj të parë, tentativë drejt normalizimit të politikave”, sipas Frederic Neumann, kryeekonomist në HSBC në Hong Kong.

Sipas tij, eliminimi i normave negative të interesit në veçanti sinjalizon besimin e bankës se Japonia ka dalë nga kontrolli i deflacionit.

Po ashtu banka braktisi kontrollin e kurbës së yield-eve (YCC), një politikë e zbatuar që nga viti 2016 që kufizon normat e interesit afatgjatë rreth zeros dhe ndërpreu blerjet e aktiveve me rrezik.

Por do të vazhdojë të blejë “përgjithësisht të njëjtën sasi” të obligacioneve qeveritare si më parë dhe do të rrisë blerjet në rast se yield-et rriten me shpejtësi, duke nënvizuar fokusin në parandalimin e çdo rritjeje të dëmshme të kostove të huamarrjes.

Në një shenjë që rritja e normave të ardhshme do të jetë e moderuar, banka pret që “kushtet akomoduese financiare të ruhen për momentin”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.