Komisariati i Policisë Fier ka finalizuar operacionin policor të koduar “Wanted”, duke kapur një shtetas të shpallur në kërkim kombëtar për vepra penale me rrezikshmëri të lartë shoqërore.
Shtetasi Adriatik Shabanaj, 38 vjeç, u arrestua në lagjen “1 Maji” të Fierit pas një hetimi të thelluar dhe informacioneve operative.
Ai ishte shpallur në kërkim për veprat penale “Vrasje me dashje” e mbetur në tentativë, “Mbajtja pa leje dhe prodhimi i armëve, armëve shpërthyese dhe municionit”, si dhe “Largimi i të burgosurit nga vendi i qëndrimit”.
Ngjarja për të cilën është kërkuar ky person ndodhi në vitin 2021 në Berat, ku A. Sh. tentoi të kryente një vrasje për motive të dobëta, duke përdorur armë zjarri. Ai ishte shpallur në kërkim pas vendimit të Gjykatës së Apelit Tiranë, e cila i kishte caktuar masën e sigurimit personal “Arrest në burg”.
Materialet procedurale i janë kaluar Prokurorisë për veprime të mëtejshme, ndërsa operacionet për kapjen e personave të shpallur në kërkim vazhdojnë në Fier dhe në të gjithë Shqipërinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Socialistët nuk dërguan në Kushtetuese mandatin e Xhaçkës, BE: Një hap, jo në drejtimin e duhur
-
Drogë dhe iPhone u hodhën nga droni në Burgun e Peqinit, reagon Drejtoria e Burgjeve
-
Mandati i Xhaçkës, Bardhi: U ekzekutua përfundimisht Reforma në Drejtësi
-
Vendimi për mandatin e Xhaçkës, Basha: Vendi në krizë të thellë kushtetuese
