“Grabitqar i sëmurë”, dëshmi nga viktimat e përdhunimit të Mohamed Al Fayed

Një e mbijetuar e abuzimit seksual të Mohamed Al Fayed ka dhënë një rrëfim të vuajtjeve të saj.

Duke folur në një konferencë shtypi në Londër, gruaja – e quajtur Natacha – u tha gazetarëve se “hyri në strofkën e luanit” kur pranoi një punë të ish-pronarit të Harrods në Londër.

Ajo tha se puna për të kishte përfshirë “mashtrimin, gënjeshtrat, manipulimin, poshtërimin dhe abuzimin seksual”.

Duke folur në një konferencë për shtyp në Londër, avokati Dean Armstrong KC tha se ai “nuk kishte parë kurrë një rast kaq të tmerrshëm sa ky”.

Natacha tha se ai “gjuante më të dobëtit – ato që duhej të paguanin qiranë dhe që nuk kishim prindër për të na mbrojtur”.

Ajo e cilësoi atë një figurë “shumë manipuluese”, i cili fillimisht bëri gjithçka për ta bërë atë të ndihej e sigurt dhe rehat në punë.

“Mohamed Al Fayed, një grabitqar i sëmurë, më joshi duke përdorur të njëjtin modus operandi që përdorte herë pas here. Unë iu nënshtrova testimit të SIDA-s dhe STD pa pëlqim”.

Ajo tha se pasi ishte në gjendje të luftonte për t’u çliruar nga sulmi i tij, “ai qeshi me mua”.

Një tjetër e mbijetuar i tha BBC-së se ajo u përdhunua pasi qëndroi në një nga apartamentet e Fayed pas një turni të vonë në punë.

“E bëra të qartë se nuk doja që kjo të ndodhte. Unë nuk kam dhënë pëlqimin. Thjesht doja që të mbaronte”, tha ajo.

“Mbaj mend që ndjeva trupin e tij mbi mua, peshën e tij”

Një grua tjetër, e cila ka punuar si një nga asistentet personale e Fayed midis 2007 dhe 2009, tha për programin Today të BBC Radio 4 se asaj iu “kërkuan” teste gjinekologjike për ta marrë punën dhe besonte, duke parë prapa, testet po kontrollonin për infeksione seksualisht të transmetueshme.

Ajo tha se Fayed e përdhunoi atë gjatë një udhëtimi në Paris dhe ajo u ndje e “tmerruar” më pas.

“Në Paris kishte roje sigurie që patrullonin shtëpinë, kishte roje sigurie jashtë. Ne ishim të mbyllur. Ne ishim të shoqëruar atje atë ditë nga policia, kështu që u ndjeva sikur nuk mund të shkoja as në polici, edhe nëse mund të dilja nga prona”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.