Bordi i Akreditimit të Cilësisë në Arsimin e Lartë ka reaguar në lidhje me hetimet për skandalin e diplomave false të Kolegjit Universitar Wisdom.
Përmes këtij reagimi, bordi mohon përfshirjen e Shqiponja Telhaj.
Telhaj, referuar reagimit të bordit, nuk ka ushtruar në asnjë moment detyrën e presidentes së Agjencisë së Sigurimit të Cilësisë në Arsimin e Lartë (ASCAL).
Por ushtron nga korriku 2021 detyrën e Kryetares së Bordit të Akreditimit.
Po ashtu thuhet se përgjimet i referohen “Presidente della ASCAL”, ndërsa në komentet e dosjes është vënë gabimisht emri (i përkthyer) i kryetares së bordit si drejtuese e institucionit të ASCAL.
“Sqarojmë se në bazë të nenit 15 të Ligjit për Arsimin e Lartë, Bordi i Akreditimit është organ kolegjial vendimmarrës dhe i pavarur në veprimtarinë e tij, i ngritur pranë ASCAL. ASCAL drejtohet nga një Drejtor, ndërsa Bordi i Akreditimit nga Kryetari i Bordit të Akreditimit. Shqiponja Telhaj ka mbajtur dhe mban vetëm detyrën e Kryetares së Bordit të Akreditimit”, thuhet në reagim.
Sipas bordit, Telhaj jeton dhe zhvillon aktivitetin e saj akademik në Mbretërinë e Bashkuar, dhe deklaron se ka qenë ne Mbretërinë e Bashkuar edhe në ditën kur është zhvilluar darka e pretenduar.
“Këto fakte janë lehtësisht të verifikueshme nëpërmjet sistemit TIMS. Ndërkohë që Telhaj do ta ndjekë çështjen edhe ligjërisht për të kërkuar tërheqje dhe kërkim falje për akuzat e rreme, anëtaret e bordit dëshirojnë të ritheksojnë besimin e tyre të plotë në integritetin e saj në drejtimin e bordit”.
Gjithashtu bëhet me dije se bordi i drejtuar nga Telhaj deri më sot nuk ka marrë asnjë vendim për akreditimin institucional të institucionit në fjalë.
“E gjithë vendimmarrja e bordit lidhur me akreditimet mbështetet në raportet e hartuara nga ekspertët që përcaktohen nga ASCAL dhe dokumentacionet e dorëzuara nga institucionet”.
Çanta luksoze ryshfet dhe diploma 10 mijë euro – Dalin detajet e reja nga mbyllja e Kolegjit Wisdom
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zbërthimi i ‘Ghost’ – Nga kapja e mafiozit italian deri te përdoimi i Shqipërisë për trafikun e drogës drejt Evropës Qendrore
-
Dosja Babale, Apeli shtyn vendimin për Salianjin
-
Dosja ‘Babale’ – Prokuroria kërkon 1 vit burg për Salianjin
-
I arrestuar në Angli me 3 kg kokainë, Prokuroria Kukës kërkon konfiskim të pasurisë
Lajmet kryesore
-
Serbia e Albin Kurtit
-
Zbërthimi i ‘Ghost’ – Nga kapja e mafiozit italian deri te përdoimi i Shqipërisë për trafikun e drogës drejt Evropës Qendrore
-
Sulmi izraelit në Bejrut vret komandantin e lartë të Hezbollah-ut
-
Mihali përfundon intervistimin: Jam këtu për të ndihmuar prokurorin për zbardhjen e së vërtetës