Ursula von der Leyen prezanton ekipin e saj të ri në Komisionin Evropian

Presidentja e Komisionit Evropian, Ursula von der Leyen prezantoi të martën e 17 shtatorit në Strasburg ekipin e saj të ri.

Von der Leyen e nisi konferencën për shtyp me prioritetet e Komisionit të ardhshëm përpara se të hynte në strukturë dhe portofol.

Nënkryetarët ekzekutivë do të kenë secili një portofol për të cilin duhet të punojnë me komisionerë të tjerë.

Ajo theksoi se “të gjithë komisionerët duhet të punojnë së bashku”.

Kryekomisionerja prezantoi gjashtë nënkryetarë ekzekutivë – katër gra dhe dy burra.

Teresa Ribera do të jetë nënkryetare ekzekutive për tranzicionin e pastër, të drejtë dhe konkurrues lidhur me politikat e konkurrencës.

Këna Virkkunen u prezantua si nënkryetare ekzekutive për sovranitetin teknik, sigurinë dhe demokracinë si dhe teknologjinë dixhitale dhe kufitare.

Besniku i Macron-it, Stéphane Séjourné është zgjedhur si nënkryetar ekzekutiv për prosperitet dhe strategji industriale, SME-të dhe portofolin e tregut të vetëm.

Ish-kryeministrja estoneze Kaja Kallas do të jetë nënkryetare ekzekutive si përfaqësuese e lartë për politikën e jashtme dhe të sigurisë.

Nga ana tjetër, Roxana Mînzatu është nënkryetare ekzekutive për njerëzit, aftësitë dhe gatishmërinë, ndërsa italiani Raffaele Fitto është nënkryetar ekzekutiv për kohezionin dhe reformat.

Deklarata

“Sot do të prezantoj ekipin tim për pesë vitet e ardhshme. Një ekip me gra dhe burra kompetentë dhe të motivuar, të gatshëm për të punuar së bashku. Për një bashkim më të fortë. Për një Evropë më të sigurt. Për një Evropë më konkurruese. Ne kemi një strukturë lineare, më të ndërlidhur dhe ndërvepruese”, garantoi von der Leyen.

Ursula von der Leyen paraqiti gjashtë prioritete që ajo tha se do të përcaktonin Komisionin e saj të dytë: Forcimi i teknologjisë, sigurisë dhe demokracisë; një strategji industriale më e fortë; zhvillimi i mëtejshëm i rajoneve të Evropës nëpërmjet politikës së saj të kohezionit; prosperitet më i madh social nëpërmjet trajnimit të aftësive; mbrojtja e modelit social evropian dhe një dimension të jashtëm më dinamik.

Presidentja e Komisionit tha se ajo kishte “punuar intensivisht” për balancën gjinore me shtetet anëtare, por megjithatë arriti të merrte vetëm 40 për qind të grave dhe 60 për qind të burrave në Komision.

Ndërsa ajo vuri në dukje se ky ishte ende një përmirësim, ajo shtoi se “aq sa kemi arritur, ka ende shumë për të bërë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.