Gjykata e Posaçme e Apelit për Korrupsionin dhe Krimin e Organizuar ka ndryshuar të hënën e 16 shtatorit vendimin për të dënuarin Endi Braçaj.
Prej muajit maj, ai ishte dënuar nga shkalla e parë e GJKKO-së me 7 vite e 6 muaj burg, nën akuzën për grup kriminal dhe trafik droge.
Apeli i Posaçëm ka bërë me dije se dy dënimet “Prodhimi dhe shitja e narkotikëve” dhe “Grupi i struktuar kriminal”, do të bashkohen në një të vetëm duke shkuar në dhjetë vite burgim.
Braçaj do të përfitojë uljen e masës me një të tretën duke u dënuar përfundimisht me gjashtë vjet e tetë muaj burgim.
Sipas njoftimit zyrtar, vuajtja e dënimit do të kryhet në IEVP-në e sigurisë së lartë.
Prokuroria e Posaçme kundër Korrupsionit dhe Krimit të Organizuar (SPAK), paraqiti më herët pranë gjykatës kërkesën për gjykimin e Braçajt, i cili akuzohej për veprat penale “Prodhimin dhe shitjen e narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Seanca plenare nis me 1 minutë heshtje në nderim të ish-deputetit Gerti Bogdani
-
Dorëhiqet anëtarja e Gjykatës Kushtetuese, Elsa Toska
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Gara për Drejtorin e ri të Policisë së Shtetit, publikohet lista e kandidatëve