Ursula von der Leyen arriti të bindë Slloveninë që të ndryshojë kandidatin për komisioner për të pasur një grua më shumë në Komisionin e ardhshëm.
Por dorëheqja e Tomaz Vesel dhe emërimi i Marta Kos po e vendos seriozisht në siklet kryeministrin slloven, Robert Golob dhe mund ta detyrojnë vetë von der Leyen të vonojë edhe më tej prezantimin e ekipit të saj.
Në Slloveni, partia opozitare SDS e udhëhequr nga populisti Janez Jansa, i cili i përket EPP-së, shfrytëzoi rastin për të sfiduar Golob, kryeministrin e Renew, duke e akuzuar atë se i është dorëzuar presionit të von der Leyen.
Kryetari i komisionit parlamentar për çështjet evropiane, Franco Breznik, i kërkoi qeverisë t’i sigurojë atij korrespondencën me von der Leyen përpara se të thërrasë takimin për të konfirmuar Kos.
Zëdhënësit e Komisionit nuk pranuan të komentojnë.
Por, pa votën e deputetëve sllovenë, të parashikuar teorikisht për sot, shpallja e përbërjes së kolegjit të ri mund të shtyhet edhe më tej.
Ndërkohë, delegacioni i SDS-së në Parlamentin Evropian e akuzon Kosin për paaftësi, gjë që mund të komplikojë konfirmimin e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Çitaku: Serbia marrëveshje me SHBA-të, Gjermaninë e Francën, Kosova e izoluar e sanksionuar
-
825 trupa britanike në stërvitjen dypalëshe “Corridor VIII response”
-
Në një Shtet ku Ligji Humb Midis Fushës dhe Korrupsionit: Komedia e Errët e Futbollit të Kosovës
-
Vuçiç kërkon “angazhim më aktiv” nga BE-ja për “mbrojtjen” e serbëve në Kosovë