Kamala merr mbështetjen e Taylor Swift pas ‘duelit’, Trump i zemëruar

Pak minuta pas përfundimit të debatit televiziv mes zëvendëspresidentes demokrate Kamala Harris dhe ish-presidentit republikan Donald Trump, Taylor Swift deklaroi votën e saj, duke ndezur entuziazëm në të majtë, përbuzje në të djathtë dhe postin e zakonshëm acid, nga Elon Musk.

Në rrjetin ABC, Harris dhe Trump u përballën me njëri-tjetrin për më shumë se një orë e gjysmë.

E befas, përmes Instagram-it, Swift shpalli mbështetjen e saj për Harris, duke mobilizuar 283 milionë ndjekësit.

Ajo shfaqet me një foto ironike, një mace e madhe që i qëndron mbi supe, sepse senatori J.D. Vance, iu referua më parë grave “si mace”, të cilat nuk kanë fëmijë dhe në vend të kësaj kujdesen për macet.

“Unë do të votoj për Kamala Harris dhe Zëvendës Presidentin Tim Walz, sepse ajo lufton për të drejtat dhe idealet që unë besoj dhe që kanë nevojë për një kampion”, shkroi ajo.

Në vitin 2016, këngëtarja, atëherë njëzet e gjashtë vjeçe, nuk kishte dëshirë të bënte fushatë për Hillary Clinton, “kisha frikë”, por disa mijëra vota që çuditërisht i dhanë fitoren Trump-it, e hidhëruan atë.

Ndaj, në vitin 2020, i dha dritën jeshile Joe Biden-it dhe tani, drita jeshile iu dha Harris.

Me një postim që mori 10 milionë pëlqime në vetëm pak orë.

Por a kanë vërtet rëndësi yjet e showbizit në një vend të ndarë në gjysmë si Shtetet e Bashkuara të Ameriës?

Kur Swift bëri fushatë për të regjistruar votues të rinj, listat e anëtarësimit treguan një bum mijëra regjistrimesh, veçanërisht në mesin e të rinjve nën 30 vjeç, grupi Vote.org numëroi 65 mijë votues fillestarë në 24 orë.

Dhe kur luftoi për Biden, një përqindje e frikshme e fansave dolën në fushë, më e lartë se hendeku që vendosi votat e vitit 2016 dhe 2020.

Në shtator të vitit 2023, përmes Instagram-it, ylli iu lut fansave që të regjistroheshin në listat elektorale, një masë e nevojshme për të votuar në SHBA dhe pati një bum të menjëhershëm prej 1226%, dyfishi i numrit të tetëmbëdhjetëvjeçarëve në krahasim me vitin 2022.

Të dhëna vendimtare sepse, mes debutuesve në sondazhe, Harris është përpara Trump.

Edhe burokratët në Bruksel i kërkuan Swift-it ndihmë për të bindur fëmijët në zgjedhjet evropiane, megjithëse me rezultate të përziera.

Guvernatori i njohur demokrat i Kalifornisë, Gavin Newsom, megjithatë, nuk ka dyshime: “Swift do të ketë një ndikim jashtëzakonisht të fuqishëm në zgjedhjet presidenciale të 2024-ës, aktivizon të rinjtë, i bën ata të reflektojnë mbi zërin e tyre në një mënyrë fantastike”.

Përafrimi i Hollywood-it dhe i biznesit të shfaqjes nuk ishte i mjaftueshëm që Hillary Clinton të shmangte një disfatë të hidhur, as milicia e artistëve me Biden nuk i garantoi atij një fitore të madhe katër vjet më parë, por dimensioni i mediave sociale është më i përhapur dhe vendimtar në vitin 2024.

Mbi një milion pëlqime shpërblejnë apelin e Swift dhe nënshkrimet e Blake Lively, Mindy Kaling, Lupita Nyong’o, Jennifer Aniston, Selena Gomez, Jennifer Garner dhe Oprah Winfrey i bashkohen asaj.

Që tani e deri më 5 nëntor asnjë sektor i shoqërisë amerikane dhe opinionit publik nuk do të mbetet i jashtëm ndaj betejës, ekonomisë, industrisë, shkollave, mediave, kulturës, fesë, çdo familje e ndarë me hidhërim, mes pakënaqësisë dhe mosbesimit.

“Do të të çliroj tani…”, “Këto duar duhet të të çlirojnë dhe kjo dashuri të kthehet tek unë…”, janë vargjet që miliona fansa këndojnë me zemër në koncerte.

Taylor Swift dhe Kamala Harris shpresojnë se do të dëshmojnë se janë një ëndërr e fitores.

Kurse Elon Musk dhe Donald Trump planifikojnë t’i tallin.

Marrë nga “La Repubblica”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.