Ish-kryenegociatorja e Kosovës në dialogun me Serbinë, Edita Tahiri, ka thënë se Beogradi do të nxitë situata për agjendën e tij që, sipas saj, është “bota serbe”, por ka kërkuar nga Kosova që të jetë e kujdesshme dhe të mos lejojë këso skenarësh.
Këto komente, Tahiri i ka bërë përmes një postimi në Facebook, të martën.
“Serbia po punon për ‘botën serbe’ e nxitur nga Rusia, duke dominuar dhe kontrolluar pakicën serbe në gjithë Ballkanin, por Kosova duhet të jetë syçelë dhe e kujdesshme”, shkroi Tahiri.
Sepse, siç potencon ajo, me shkas apo pa shkas, Serbia do te nxit situata qe i duhen për agjendën e saj, “siç po luan me pakicën serbe në Veri, por nënvizon se Kosova duhet të di “të mos lejojë skenarët që çojnë në projektin hegjemon të ‘botës serbe’”.
Edhe një pjesë e shoqërisë civile, por edhe njohës ndërkombëtarë të zhvillimeve në Ballkanin Perëndimor, kanë bërë thirrje që Kosova të ketë kujdes në raport me planet e Serbisë.
Agon Maliqi, analist politik e aktivist i shoqërisë civile, në një artikull autorial të botuar në platformën “Sbunker” të hënën, tha se “gracka e re” në të cilën Presidenti i Serbisë, Aleksandër Vuçiç, synon ta fusë Kosovën është që të krijohet preteksti për eksodin e serbëve nga pjesa Veriore e vendit.
Maliqi ka theksuar se Serbia e di që Kosova është e humbur, prandaj skenari i eksodit të serbëve, ashtu sikurse kanë paralajmëruar dy figura të njohura publike nga Serbia – Sonja Biserko dhe Nenad Çanak – nuk mund të përjashtohet, duke pasur parasysh logjikën operative të nacionalizmit serb.
“Në këtë kontekst, skenari i eksodit të serbëve është skenari ideal i cili do ta ngujonte Vuçiçin në pozitën e viktimizimit nacionalist dhe do t’ia ofronte pretekstin e përkyer në marrëdhëniet me Perëndimin, për të refuzuar çfarëdo diskutimi për njohjen apo edhe zhbllokimin ndërkombëtar të Kosovës – qoftë edhe me njohje de facto – të cilin e siguronte plani franko-gjerman”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Ministria e Financave bën përmbledhjen 8-mujore, të ardhurat rritje me 10% nga 2023
-
Vala e dytë e shpërthimeve në Liban vret 20 dhe plagos 450
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi