Dogana e Kosovës ka njoftuar nëpërmjet një postimi në “Facebook” të dielën se ka parandaluar kontrabandimin e mbi 1 mijë e 400 litrave të pijeve të ndryshme në pikëkalimin kufitar në Jarinjë, përfshirë rreth 750 litra birrë.
Në njoftimin e doganës thuhet se gjatë së shtunës është paraqitur një kamion me targa të huaja në hyrje të territorit. Fillimisht, shoferi ka deklaruar se kamioni është i zbrazët, por pas kontrollit është gjetur mall i padeklaruar.
“Për shkak të dyshimeve nga ana e zyrtarëve doganorë dhe policorë, kamioni është selektuar për një kontroll të detajuar. Gjatë këtij kontrolli, në hapësirat e kamionit ku vendosen pajisjet është zbuluar mall i padeklaruar si më poshtë: Birra rreth 750 litra, pije energjike rreth 200 litra, pije të gazuara rreth 120 litra, lëngje të ndryshme 350 litra”, thuhet në njoftimin doganor.
Më tej bëhet e ditur se kamioni dhe malli janë dërguar në terminalin doganor dhe janë nën mbikëqyrje doganore deri në përfundimin e procedurave. Dogana e Kosovës herë pas here ka sekuestruar mallra të kontrabanduara në zonat kufitare ndërmjet Kosovës dhe Serbisë, kryesisht pije të ndryshme alkoolike dhe jo-alkoolike, mallra ushqimore dhe teknikë të ndryshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi