Kurti për Betejën e Koshares: T’i kujtojmë me nderime të merituara luftëtarët dhe veteranët e saj
Kryeministri i Kosovës, Albin Kurti, në seancën solemne të Kuvendit të Kosovës për shënimin e 25 vjetorit të Betejës së Koshare, ka thënë se politika përfaqësuese dhe aktivizmi shoqëror nuk duhet të shihen të ndara nga historia dhe se zhvillimet e të së kaluarës, “sot i shohim si procese historike e i lexojmë si histori në të tashmen”.
“Në mes të këtij viti do të përmbushet një çerek shekulli kur vendi ynë Kosova, dhe populli i saj u çlirua nga Serbia pushtuese dhe regjimi kriminal e terrorist i Beogradit”, tha Kurti.
“E deri në mes të muajit qershor kur do ta shënojmë ditën e çlirimit të Kosovës, ka shumë data dhe ngjarje me peshë historike”, shtoi.
Në vigjilje të përvjetorit të 25 të fillimit të luftimeve të Betejës së Koshares, Kurti tha “le ta kujtojmë me nderime të merituara këtë betejë dhe luftëtarët e veteranët e saj”.
Beteja e Koshares zgjati mes luftimesh nga 9 prilli e deri më 10 qershor të vitit 1999.
“Panorama e madhe e historisë së Betejës së Koshares sjell imazhin e tërë luftës së Kosovës si në një format miniaturë”, theksoi ai.
Kurti potencoi se aty e shohim se në luftime e Betejës së Koshares janë të përfshirë luftëtarë dhe njësite nga të gjitha zonat operative të Ushtrisë Çlirimtare të Kosovës, si dhe nga të gjitha trevat e banuara me shqiptarë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi