Një person është therur me thikë në Mitrovicë të Veriut – komunë e banuar me shumicë serbe – të dielën, ndërsa në vendin e ngjarjes janë gjetur dhe sekuestruar edhe një revole dhe një granatë dore, bëhet e ditur në raportin 24-orësh të Policisë së Kosovës.
Rasti ka ndodhur pas një zënke verbale, ndërkaq i dyshuari ndodhet ende në arrati, thuhet ndër të tjera në raportin e Policisë së Kosovës, ndërsa bëhet e ditur se përveç njësive policore në vendin e ngjarjes ka dalë edhe prokurori i cili e ka cilësuar rastin dhe hetimet vazhdojnë.
“Vrasje e rëndë në tentativë & armëmbajtje pa leje. Është raportuar se pas një zënke verbale viktima mashkull kosovar ishte sulmuar dhe therë me thikë nga i dyshuari mashkull kosovar, i cili pasi e ka kryer veprën është larguar nga vendi i ngjarjes dhe ndodhet në arrati”.
Viktima është dërguar në spitalin rajonal të Mitrovicës së Veriut për tretman mjekësor, thuhet ndër të tjera në raportin e Policisë së Kosovës, derisa njësitë relevante policore kanë dalë në vendin e ngjarjes dhe po merren me rastin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
23 Ditët e Testit për Kosovën: Vuçiç Fiton Terren, Albin Kurti Humbet Aleatët
-
Hasani nga New Yorku: Firmosim disa marrëveshje për liberalizimin reciprok të vizave
-
Bejrut, Hezbollahu mes parashikimeve dhe maktheve: “Po sikur Izraeli të godasë Nasrallahun?”
-
Osmani merr pjesë në Asamblenë e Përgjithshme të OKB-së
