“Mendoj se shteti i Serbisë qëndron pas asaj që ndodhi në Banjë të Kosovës dhe ne ende nuk i kemi parë kthesat emocionuese të dramës tashmë të përgjakshme”, thotë në një intervistë për The Geopost, gazetari dhe publicisti Rade Radovanoviç.
Ai beson se ngjarjet e fundit në Banjë nuk janë organizuar me iniciativën personale të Milan Radojeçiçit, pavarësisht se çfarë thotë presidenti i Serbisë, Aleksandër Vuçiç.
“Ai (Radojeçiç) është zbatues i një nisme të caktuar, mendoj, shtetërore që mund të përkufizohet edhe si parashtetërore, pra shteti i Serbisë, dhe pastaj si i tillë është dëshmitar i rrezikshëm sepse nuk ka gjasa që sipas kushteve të caktuara të procedurës së drejtë, një dëshmitar i tillë do të pajtohej me çdo gjë dhe për çdo gjë, të mbronte dikë që miratoi dhe ishte në dijeni, e ai është Aleksandër Vuçiç”, tha ai.
Radovanoviç thekson se shteti i Serbisë është pothuajse pronë private e një autokrati, i cili në kushte të tilla është edhe prokurori, edhe gjykatësi, edhe shteti edhe media.
“Propaganda e tillë vazhdon sepse nacionalizmi që çon në shovinizëm drastik, veçanërisht ndaj shqiptarëve, dhe këtë jam përpjekur ta trajtoj në librin tim që trajton luftën në Kosovë në vitet 1998/99, është terren pjellor për rindezjen, ndezjen e të gjithë ekstremizmit, dhe mbi të gjitha, i nacionalizmit dhe shovinizmit”.
Sipas tij, lirimi i kriminelit Radojeçiçit nga paraburgimi është në fakt një mesazh logjik i dërguar publikut vendor, evropian dhe botëror.
“Në Serbi ashtu siç është, është një parashtet, një pronë pak a shumë private e një njeriu, Aleksandër Vuçiçit, ku ai sundon sipas motos së vjetër franceze shteti jam unë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Serbia mund të ‘rrethohet’ nga Bayraktarët: Pas Kosovës dhe Shqipërisë, një shtet tjetër ballkanik synon t’i blejë dronët e Turqisë
-
Shea: Masat e BE-së ndaj Kosovës mund të hiqen këtë vjeshtë
-
Shkatërrohet një laborator i drogës në Prishtinë
-
Profesori serb: Tensionet në Veri janë pasojë e veprimeve të Vuçiçit
Lajmet kryesore
-
23 Ditët e Testit për Kosovën: Vuçiç Fiton Terren, Albin Kurti Humbet Aleatët
-
Kushtetuesja i mbyll derën kompensimit të profesioneve të lira
-
Rezultatet e para nxjerrin fitues Socialdemokratët e Scholz në Brandenburg
-
Serbia mund të ‘rrethohet’ nga Bayraktarët: Pas Kosovës dhe Shqipërisë, një shtet tjetër ballkanik synon t’i blejë dronët e Turqisë