Dy ushtarëve të KFOR-it iu amputohen këmbët, avokati serb: Kjo është hera e parë që NATO-ja mposhtet nga rusët
Avokati serb, Çedomir Stojkoviç, ka reaguar ashpër pas lajmit se dy ushtarëve hungarezë të misionit paqeruajtës të NATO-së në Kosovë (KFOR), të martën u janë amputuar këmbët pas lëndimeve të marra nga protestuesit e dhunshëm në Zveçan – komunë e banuar kryesisht me serbë në veri të Kosovës – më 29 maj të këtij viti.
Ai ka shkruar në platformën “X” se sulmi i serbëve me ndihmën e rusëve ndaj ushtarëve të NATO-s, të cilët, sipas tij, janë nën kontrollin e presidentit të Serbisë, Aleksandër Vuçiç, paraqet rastin e parë kur NATO-ja “mposhtet” nga rusët, ndërsa ushtarëve të tyre u amputohen këmbët për shkak të presidentit rus Vladimir Putin.
“Miku i Putinit, kryeministri i Hungarisë, Viktor Orban, mbajti të fshehur këtë. Publiku politik i vendeve të NATO-s duhet ta dijë këtë. Ai duhet ta dijë se Putini po ua shqyen këmbët ushtarëve të NATO-s përmes Vuçiçit. Dhe tash ju e dini”, ka shkruar avokati Stojkoviç të mërkurën në llogarinë e tij.
Nuk mund të zbuten e as të fshihen sekuencat televizive të fytyrave të egërsuara, të gurëve dhe bombave djegëse mbi Policinë e Kosovës dhe KFOR-in, sulmet e fyerjet ndaj gazetarëve kosovarë dhe simbolet nacionaliste serbe bashkë me ato ushtarake të propagandës ruse.
Dhjetëra pjesëtarë të KFOR-it – kryesisht hungarezë dhe italianë – janë plagosur gjatë ndërhyrjes për t’i shpërndarë protestuesit serbë në Zveçan. Paqeruajtësit e NATO-s kërkuan nga protestuesit të shpërndahen, por ata nuk pranuan dhe hodhën gurë, shok-bomba e koktej molotovi në drejtimin e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke