KFOR-i dënon sulmet ndaj gazetarëve: Ne jemi reaguesi i tretë, Policia mbetet përgjegjëse për sundim të ligjit
Misioni i NATO-s në Kosovë, KFOR, ka reaguar për sulmet ndaj gazetarëve në Veri të Kosovës.
Përmes një komunikate për media thanë se “KFOR-i dënon ashpër sulmet ndaj gazetarëve në veri të Kosovës gjatë ushtrimit të profesionit të tyre”.
“Liria e shtypit dhe liria e shprehjes janë vlera themelore të cilat duhet të respektohen nga të gjithë. Ne u bëjmë thirrje të gjitha palëve që të përmbahen nga dhuna ose veprimet e mëtejshme që mund të çojnë në përshkallëzim të mëtejshëm dhe të sigurojnë që mediat të mund të kryejnë punën e tyre themelore në mënyrë të sigurt”, thuhet në komunikatën e tyre.
Aty potencohet se pas incidenteve të 29% të majit, kur një numër i madh i paqeruajtësve të KFOR-it u plagosën “në sulme të paprovokuara, trupat e KFOR-it janë vendosur rreth ndërtesave të komunave Veriore për të ndihmuar në parandalimin e përleshjeve të mëtejshme”.
“KFOR-i mbetet reaguesi i tretë dhe Policia e Kosovës mbetet përgjegjëse për sigurimin e sundimit të ligjit në mbarë Kosovën”, potencojnë ata.
Ndërkaq, nga misioni i NATO-s në Kosovë kanë shtuar se do të vazhdojnë që të kryejnë mandatin e tyre “në mënyrë të paanshme, bazuar në Rezolutën 1244 të Këshillit të Sigurimit të OKB-së të vitit 1999, dhe mbështet plotësisht dialogun e lehtësuar nga Bashkimi Evropian ndërmjet Beogradit dhe Prishtinës, si e vetmja rrugë përpara”.
“Gjithashtu, komandanti i KFOR-it është në kontakt të rregullt me të gjithë homologët e tij kryesorë, përfshirë përfaqësuesit e institucioneve dhe organizatave të sigurisë në Kosovë, si dhe me përfaqësues të Forcave të Armatosura të Serbisë, Misionit të BE-së për Sundimin e Ligjit (EULEX), OSBE-së. dhe komunitetit diplomatik”, përfundon komunikata e tyre.
Ndryshe, të premten në Komunën e Leposaviqit u sulmuan nëntë gazetarë prej të cilët nëntë kanë marrë lëndime trupore, sulmet u dënuan nga të gjithë përfshirë krerët institucionalë shtetërore e diplomatë të huajë të akredituar.
Ndërsa, Policia e Kosovës, pas sulmit të gazetarëve, njoftoi për arrestimin e njërit nga huliganët i cili ishte pjesë e grupit të cilët sulmuan punonjësit e mediave të premten.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtarët britanikë realizojnë ushtrimin për “gatishmëri për përballje me të gjithë skenarët”
-
Osmani: Beogradit s’i vjen keq për krimet e luftës, krenohet me trashëgiminë e Millosheviçit
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke