Derek Chollet, këshilltar special pranë Sekretarit Amerikan të Shtetit, Antony Blinken, ka kërkuar shtyerjen e afatit për konvertimin e targave ilegale serbe në ato RKS, edhe atë “pa konfiskime apo gjoba”.
Këtë e ka bërë të ditur vetë Chollet përmes një cicërime në rrjetin social Twitter, ku njoftoi se ka biseduar me kryeministrin e Kosovës, Albin Kurti, në mënyrë që të shmangen tensionet.
“Fola sot me kryeministrin e Kosovës, Albin Kurti, për ta diskutuar rëndësinë e shmangies së tensioneve dhe shtyrjes së zbatimit të vendimit për targat e reja, pa konfiskime apo gjoba”.
“Gjithashtu, diskutuam edhe partneritetin dhe objektivat e përbashkëta për ta avancuar integrimin evropian dhe euro-atlantik të Kosovës”, shtoi ai.
Nga ana tjetër, në cicërimën e shefit të qeverisë nuk përmendej askund se këshilltari amerikan i ka kërkuar shtyrje të vendimit.
I pari i ekzekutivit kishte njoftuar se me këshilltarin e Blinken-it bisedoi vetëm për raportin e World Justice Project, ku Kosova radhitet më lartë se shtetet e Ballkanit Perëndimor duke falënderuar edhe për mbështetjen e vazhdueshme të ShBA-ve për integrimin euroatlantik të Kosovës.
Me 1 nëntor skadon afati dy mujor. Kosova, sipas zotimit të saj, dhe vendimit në mbledhjen e qeverisë, duhet të fillojë konfiskimin e veturave me targa ilegale.
Ndryshe, Bashkimi Evropian dhe ShBA-të ende nuk kanë pranuar një përgjigje pozitive ndaj kërkesës për shtyerjen e afatit fillimisht për 12 muaj e më pas për 10 muaj nga autoritetet kosovare.
Përkundër kërkesave, Kurti ka thënë se shtyrja tashmë ka ndodhur dhe se qeveria do të vazhdojë me planin e vetë të operimit, derisa ka ftuar serbët serish të zëvendësojnë targat.
Por, shqetësimi më i madh i Perëndimit është de-eskalimi i situatës në këtë kontekst tejet të komplikuar në Evropë.
Qeveria s’e ka ndërmend ta shtyjë më afatin për targat – Kurti: Tashmë e kemi bërë shtyrjen
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sinani thirrje për mobilizim: Të bashkohemi kundër diskriminimit dhe padrejtësive
-
Abdixhiku: Kurti i mbron njerëzit e korruptuar, Qeveria e tij përplot me korrupsion
-
Serwer për Albanian Post: Dialogu mund të vazhdojë vetëm për çështje teknike, jo edhe për ato politike
-
Tahiri: 9 shkurti do jetë votë ndëshkuese ndaj qeverisjes më të dobët në histori të vendit
Lajmet kryesore
-
Baba Mondi sqaron idenë e “Shtetit Bektashi”: Krejtësisht shpirtëror, për paqe e tolerancë
-
Vengu takon diplomatët e huaj për rijetëzimin e Industrisë Ushtarake
-
Trump refuzon thirrjen e Harris për debat të dytë, thotë se “është tepër vonë”
-
Abdixhiku: Kurti i mbron njerëzit e korruptuar, Qeveria e tij përplot me korrupsion