Ka përfundur edhe për sot protesta e qytetarëve të grumbulluar në kryeqytetin e Shqipërisë, Tiranë.
Këtë herë, në numër më të pakët – ata qëndruan disa orë përpara godinës së Kryeministrisë.
Si pesë ditët e tjera, protesta e tyre ishte paqësore, duke mos shkaktuar incidente.
Motivi i “rebelimit” është ai i uljes së çmimeve. Sot shënohet dita e pestë që nga grumbullimi i tyre i parë.
Ata njëzëri shpehën dëshirën, që asnjë politikan të mos marrë pjesë në protestë.
E nisur më 8 mars, qytetarët kërkuan fillimisht uljen e çmimit të karburanteve. Kjo pasi asokohe, çmimi i naftës – brenda 24 orëve – u rrit me 30-35 lekë.
Edhe pse Qeveria në një vendim të menjëhershëm vendosi që të krijojë një Bord të Mbikëqyrjes për naftën.
Në mbledhjen e 12 marsit, Këshilli i Ministrave miratoi aktin normativ që monitoron çmimet e shitjes së nënprodukteve të naftës për konsumatorët.
Në zbatim të këtij akti u mblodh menjëherë Bordi i Transparencës dhe kufizimit të përkohshëm të çmimeve të tregtimit me shumicë/pakicë të nënprodukteve të naftës dhe gazit.
Në mbledhjen e tij të parë, ky bord vendosi se çmimi shitjes me pakicë të nënproduktit gasoil i standardit “SSH EN 590” për periudhën 12 mars-15 mars 2022, të jetë 217 lekë/litri.
Reagimi i kryeministrit Rama
Kryeministri Edi Rama, shpesh, ka përsëritur se ndihej i turpëruar se, Shqipëria është i vetmi vend i NATO-s dhe Evropës ku protestohet për pasojat e luftës në Ukrainë.
Por ai pavarësht protestave, prerazi, tha se taksat e naftës nuk do të hiqen sepse çmimi i energjisë nuk do të rritet.
Ai solli sërish në vëmendje, së fatura e energjisë prej muaj nuk është prekur dhe se familjarët dhe biznesi i vogël nuk e paguan vetë, por e paguan së bashku me Qeverinë.
Kështu numri një i Qeverisë theksoi se është gjithmonë krah familjarëve, ashtu siç ka qenë gjatë pandemisë dhe tërmetit.
“Ne nuk do të lëmë vetëm, askënd”, tha kryeministri.
Për të, të mohosh pasojat e luftës do të thotë të mos kesh dinjitet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Borrell dhe liderët e Ballkanit Perëndimor takohen të mërkurën në drekë pune
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Zbërthimi i ‘Ghost’ – Nga kapja e mafiozit italian deri te përdoimi i Shqipërisë për trafikun e drogës drejt Evropës Qendrore
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë