James Stavridis, një ish-komandant suprem i aleatëve të NATO-s, deklaroi se presidenti rus Vladimir Putin “mund të jetë gjëja më e mirë që i ka ndodhur ndonjëherë” NATO-s.
Ish-zyrtari shpjegoi se pushtimi i Ukrainës nga lideri rus e kishte shtyrë Perëndimin të forconte mbrojtjen e tij.
Ky afirmim erdhi gjatë një interviste me Jonathan Capehart të MSNBC-së.
“Vladimir Putin mund të jetë gjëja më e mirë që i ka ndodhur ndonjëherë aleancës së NATO-s”, i tha ai Capehart-it.
Stavridis ka shërbyer si komandant i NATO-s nga viti 2009 deri në vitin 2013.
Shembulli i tij ishte rritja e shpenzimeve të Gjermanisë për mbrojtjen.
“Kam kaluar katër vjet si komandant suprem aleat i NATO-s. Në çdo konferencë, çdo takim të zyrtarëve të nivelit të lartë të NATO-s, do të gjeja rrugën te kancelarja Angela Merkel e Gjermanisë dhe ministrja e mbrojtjes, Ursula von der Leyen”, shtoi Stavridis.
Ish-komandanti tregoi se si nuk gjeti mundësinë për t’i bindur udhëheqësit që duhet të rrisnin shpenzimet e tyre të mbrojtjes.
“Në 48 orë, Vladimir Putin ka frymëzuar gjermanët që në mënyrë efektive pothuajse të dyfishojnë buxhetin e tyre të mbrojtjes”, tha më tej Stavridis.
Stavridis i tha së përditshmes amerikane “New York Times” më herët, se sistemi i krijuar global ishte si një makinë e goditur që “mund të përdorte një akordim të mirë”.
Admirali me katër yje i pensionuar garantoi se ka “shumë pak gjasa” që Putin të përdorë armë bërthamore ose të kryqëzojë shpatat drejtpërdrejt me NATO-n.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi