Cramon: Kosova ka media të gjalla dhe të pavarura, qeveria e re të mos merr shembuj fqinjët në Ballkan
Eurodeputetja dhe Raportuesja për Kosovën në Parlamentin Evropian, Viola von Cramon, përmes një video-mesaszhi ka ururar Kosovën në katërmbëdhjetë vjetorin e pavarësisë së saj, me ç’rast lavdëroi edhe shtypin dhe mediat tejet të gjalla, kritike, dhe “të pavarura”.
Cramon ka përmendur arritjet e Kosovës në sfera të ndryshme shoqërore, demokratike dhe institucionale, dhe ka treguar edhe për përvojën e saj intensive në raport me Kosovën.
“Për më tepër, Kosova ka media shumë të gjalla, shumë të pavarura dhe me qasje kritike. Shpresoj që ky nivel i lirisë së shtypit të mirëmbahet, dhe mendoj se qeveria e re mund ta merr si shembull këtë në krahasim me vendet tjera të Ballkanit, se Kosova në këtë aspekt është shumë më e avansuar dhe shpresoj që kjo gjë të mirëmbahet”.
“Mund t’iu them se ka qenë gjithmonë kënaqësi e veçantë të punojë me përfaqësues të ndryshëm politik dhe shoqërinë civile në Kosovë”.
“E di që zhvillimi i Kosovës nuk ka qenë gjë e lehtë. Por kjo është bërë, dhe dua që të vazhdojë rruga drejt demokratizimit dhe reformave ekonomike, por edhe rruga e qartë drejt Bashkimit Evropian”, u shpreh Viola von Cramon.
Ajo tha se e kupton që ka njerëz të pakënaqur se shumë gjëra nuk janë përmbushur, dhe me të drejtë.
Gjithashtu Cramon kujtoi se Kosovës i është mohuar padrejtësisht liria e lëvizjes drejt unionin evropian, me mos-heqjen e regjimit të vizave.
Cramon uroi të gjithë qytetarëve të Kosovës ditën e pavarësisë.
Gjithashtu ajo tha se pret që të vizitojë Kosovën në fund të muajit shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com