Nazanin Zaghari-Ratcliffe, një grua britaniko-iraniane është “traumatizuar’ nga vendimi i Gjykatës së Apelit, për ta kthyer në burgun e Iranit, duke e dënuar edhe me një vit tjetër.
Bashkëshorti, Richard Ratcliffe, tha se bashkëshortja e tij është akoma në pritje të thirrjes nga gjykata.
Ratcliffe, i cili ka lobuar për kthimin e gruas së tij në Britani, që nga burgosja e saj në 2016-n, tha se ishte i befasuar kur mësoi për vendimin që konfirmoi një vit shtesë për dënimin e saj.
Avokati Hojjat Kermani tha se, Zaghari-Ratcliffe, ishte “e shqetësuar” kur e informoi mbi vendimin e Gjykatës së Apelit, në një seancë me dyer të mbyllura.
Gjithashtu u shpreh se ajo kishte qenë në kontakt me familjen e saj për vendimin.
Zaghari-Ratcliffe u burgos për herë të parë në vitin 2016 pasi u akuzua për komplot kundër regjimit, por këto akuza, mbështetësit e saj dhe grupet e të drejtave të njeriut i kanë mohuar.
Ajo u dënua me një vit tjetër, në prill, me akuzën e “përhapjes së propagandës kundër sistemit”, ndërsa mori pjesë në një protestë para Ambasadës iraniane në Londër në 2009.
E më pas kaloi vitin e fundit të dënimit të saj fillestar me kusht në shtëpinë e prindërve të saj në Teheran ndërsa Irani liroi përkohësisht mijëra të burgosur në përgjigje të pandemisë koronavirus në vitin 2020.
Vendimi fillestar i gjykatës kundër Zaghari-Ratcliffe ishte pesë vjet në ndalim udhëtimi jashtë vendit.
Viti shtesë i dënimit do të thotë që Zaghari-Ratcliffe nuk mund të largohet nga Irani për t’u bashkuar me burrin e saj dhe vajzën 7-vjeçare në Londër për gati dy vjet të tjera.
Ratcliffe tha se ai mbajti një takim strategjik me Zyrën e Jashtme Britanike më 15 tetor duke parashikuar se diçka do të ndodhte me apelin e gruas së tij gjatë vjeshtës.
Sekretarja e Jashtme Liz Truss tha në një deklaratë më 16 tetor se vendimi i Iranit për të vazhduar me akuzat “të pabaza” kundër Zaghari-Ratcliffe ishte një “vazhdim i tmerrshëm i përvojës mizore që po kalon”.
E punësuar nga Fondacioni Thomson Reuters, krahu bamirës i agjencisë së lajmeve Reuters, Zaghari-Ratcliffe u mor në paraburgim në Aeroportin Ndërkombëtar të Teheranit Imam Khomeini në Prill 2016 kur ajo u përpoq të kthehej në Britani pasi vizitoi familjen në Iran.
Grupet e të drejtave akuzojnë Iranin se mban shtetas të dyfishtë si marrëveshje për para ose ndikim në negociatat me Perëndimin. Teherani e mohon akuzën.
Marrë nga Radio Evropa e Lirë, përshtatur për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë