Përmbytjet në Kinë, mbi dy milionë të evakuuar në provincën Shanxi

Më shumë se 1.76 milionë njerëz janë prekur nga përmbytjet e mëdha në provincën Shanxi të Kinës, sipas mediave lokale.

Shiu i rrëmbyeshëm, javën e kaluar, shkaktoi shembjen e shtëpive dhe rrëshqitjeve të tokës në më shumë se 70 rrethe dhe qytete në provincë.

“Reshjet e dendura të shiut po pengojnë përpjekjet e shpëtimit”, thanë zyrtarët.

Përmbytjet vijnë më pak se tre muaj, pasi shirat ekstremë në provincën Henan lanë më shumë se 300 të vdekur.

Administrata Meteorologjike e Kinës për mediat vendase bëri me dije se rrebeshet dhe stuhitë po pengojnë përpjekjet e shpëtimit.

Agjencia e lajmeve Xinhua raportoi se më shumë se 120 mijё njerëz janë evakuuar dhe se 17 mijё shtëpi janë shembur në të gjithë provincën Shanxi.

Katër policë kanë vdekur, si pasojë e rrëshqitjeve tё tokёs, sipas Global Times, megjithëse informacioni për viktima të tjera nuk është publikuar.

Ai shtoi se përmbytja Shanxi mund të ketë qenë më e keqe se përmbytjet në Henan në fillim të këtij viti.Kryeqyteti krahinor Shanxi Taiyuan me reshje mesatare prej rreth 185.6 milimetra javën e kaluar, krahasuar me 25 milimetra që pa në tetor midis viteve 1981 dhe 2010.

Shanxi është një provincë kryesore e prodhimit të qymyrit dhe qeveria kineze u detyrua t’i ndalojë operacionet në miniera dhe fabrika kimike si pasojë e shiut.

Kina tashmë po përballet me një mungesë të energjisë, e cila ka shkaktuar ndërprerje të energjisë.

Qeveria lokale ka kufizuar përdorimin e energjisë elektrike në portet dhe fabrikat. Qeveria lokale tha se ka pezulluar prodhimin në 60 miniera tё qymyrit, 372 miniera jo qymyri dhe 14 fabrika kimike të rrezikshme në provincë.

Operacionet ishin ndalur tashmё në 27 miniera të tjera të qymyrit më 4 tetor.

Shanxi është gjithashtu shtëpia e një numri monumentesh të lashta, të cilat janë në rrezik të madh nga reshjet e mëdha të shiut.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.