Roman Dobrokhotov, kryeredaktori i “The Insider” është kontrolluar nga policia ruse, pasi këta të fundit i bastisën shtëpinë. Roman arriti ta njoftojë këtë në profilin e tij në Twitter. Oksana Oparenko, një avokate për Mbrojtjen e të Drejtave të Njeriut, i erdhi në ndihmë Roman-it.
Policia mbërriti rreth orës shtatë e gjysmë të mëngjesit, të mërkurën e 28 korrikut. Arsyeja e kërkimit të apartamentit të tij ende nuk dihet.
Më 23 korrik, Ministria e Drejtësisë e Federatës Ruse përfshiu “Insider-in” në regjistrin e mediave – “agjentë të huaj”.
Arsyeja për kërkimet mund të ketë qenë një çështje shpifjeje e ngritur nga gazetari holandez, Maximilian Bernardus Wilem Van der Werff.
Insider-i zbuloi se Wilem Van der Werff bashkëpunoi me GRU-në (Inteligjencën Ushtarake të Rusisë) dhe mori para nga Ministria ruse e Mbrojtjes për shpërndarjen e informacionit në lidhje me Boeing-un e rrëzuar në Donbas.
Më 26 prill, policia e Moskës hapi një çështje penale sipas nenit 128.1 të Kodit Penal të Federatës Ruse për “Shpifje”.
Aktivistët e të drejtave të njeriut vërejnë se lidhja me Dobrokhotov “u zhduk pothuajse menjëherë”. Kolegu i tij, kryeredaktori Sergei Yezhov shkroi në Twitter se sot Dobrohotov duhej të largohej nga Rusia.
Gjithashtu, Insider-i shkruan se janë kryer kërkime tek të afërmit e gazetarit, por nuk tregon se tek cili/cila saktësisht.
“Insider-i është një botim letonez i regjistruar në Letoni sipas ligjit letonez. Dhe çfarë dëshiron Ministria e Drejtësisë atje? Zyra e botimeve nuk është në Rusi, kështu që të gjitha këto ligje të çmendura nuk do të zbatohen nga Insider-i, pasi ky i fundit do të vijojë punën e tij”, tha Dobrohotov.
Insider-i është një botim investigativ që nisi në vitin 2013. Një nga materialet e tij më të famshme, në përgatitjen e të cilit morën pjesë mediat, është hetimi i helmimit të pohuar të politikanit Alexei Navalny nga “Novichok”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi