Autoriteti fetar në Turqi, e ka shpallur përdorimin e hajmalive për të larguar “syrin e keq” të ndaluar në Islam.
Hajmalitë e qelqit në formën syrit në Turqi janë shumë të përhapura. Njerëzit besojnë në aftësitë e tyre për të larguar qëllimet keqdashëse ose xheloze.
Njoftimi i perdorimit të hajmalive si të ndaluara, u publikua në një dekret ligjor te autoritetit fetar.
“Në fenë tonë, qëndrimet, sjelljet dhe besimet që i atribuojnë ndikimin përfundimtar çdo gjëje tjetër përveç Allahut janë të ndaluara. Për këtë arsye, nuk është e lejueshme të mbash amuleta për syrin e keq dhe gjëra të ngjashme rreth qafës ose kudo”, është shkruar në dekretin e propozuar.
Besimi në fuqinë e “syrit të keq” për të shkaktuar dëm daton që nga kohërat antike dhe është i përhapur në të gjithë Mesdheun dhe në një pjesë të Azisë.
Megjithëse shpesh quhet “syri i keq”, amuleti okular është në të vërtetë objekti që ka për qëllim të shmang syrin e keq.
Këto hajmali u jepen foshnjave të porsalindura dhe gjithashtu vishen si stoli. Ato zakonisht zbukurojnë shtëpi, vende pune, makina dhe autobusë.
Rrjeti televiziv Al Jazera, publikoi deklaratat e qytetarëve turkë. Shumica prej tyre nuk ishin dakord me këtë vendim .
“Unë jam një shitës dhe jetoj me fitimet që marr prej tyre”, thotë njëri prej qytetarëve./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi