Mijëra fermerë kanë zbritur me traktorët e tyre në dhjetëra qytete në të gjithë Zelandën e Re, në një protestë kundër rregullave të reja mjedisore mbarёkombёtare.
Protesta u konsiderua si mё e madhja e kёtij lloji pёr sektorin rural, me autokolona tё shumta nё 51 qytete dhe qyteza.
Duke mbajtur pankarta tё shumta, fermerёt u drejtuan nga periferia e Auckland, drejt qendrës sё qytetit tё premten nё mёngjes, duke bllokuar nё kёtё mёnyrё autostradёn.
Në Whangarei, protestuesit kaluan pёrmes një fushe sporti, ndërsa në Dunedin, një autokolonë e gjatë prej pesë kilometrash kaloi nëpër qytet.
Fermerët, kultivuesit, biznesmenët dhe tregtarët thonë se janë të irrituar me ndërhyrjen në të drejtat e pronës private, politikat e jofunksionale të ndryshimeve të klimës dhe kostot e padrejta.
Zelanda e Re ka prezantuar planin e mbrojtjes mjedisore për të trajtuar problemet e ndotjes ujore, humbjen katastrofike të biodiversitetit, praktikat e rrezikshme bujqësore dhe industriale dhe angazhimet ndërkombëtare për uljen e emetimeve të karbonit.
Një raport i vitit 2019 paraqiti një pamje të zymtë mjedisore.
4 mijë specie janë nën rrezikun e zhdukjes, dy të tretat e ekosistemeve të vendit kërcënohen me kolaps dhe ujitja pёr bujqësinё së bashku me përdorimin e ujit nga industritë dhe familjet, ka tkurrur luginat me 10%.
Vitin e kaluar, një raport i Land Air Water Aotearoa zbuloi se 60% e lumenjve të vendit ishin të panotueshёm, për shkak të ndotjes nga rrjedhjet intensive prej bujqësisë dhe shërbimeve të ujërave të zeza.
Zelanda e Re po mbetet prapa në veprimin e saj për klimën. Indeksi i Performancës së Ndryshimit të Klimës në vitin 2020 e vendosi atë në vendin e 28-të, prapa vendeve si Mbretëria e Bashkuar, Meksika dhe India.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi