25 milionë euro për blerjen e vaksinave, miratohet kredia nga Banka Zhvillimore e Këshillit të Evropës

Është miratuar Projektligji nga Komisioni për Buxhet, Punë dhe Transfere për Ratifikimin e Amendamentit të Marrëveshjes kornizë së kredisë ndërmjet Republikës së Kosovës dhe Bankës Zhvillimore të Këshillit të Evropës BZHKE, për financimin e projektit “Reagimi emergjent ndaj Covid-19”.

Zëvendësministri i Financave Ilir Kapiti, ka thënë se marrëveshja kap vlerën e 60 milionë euro, ku 30 milionë prej tyre janë nga marrëveshja bazë. Gjithashtu ai tutje ka shtuar se 25 milionë prej tyre do të shkojnë për blerjen e vaksinave, shtoi Kapiti.

“Marrëveshja ka për qëllim që të ofrojë shërbime mjekësore në veçanti për të prekurit nga virusi. Fondet shtesë kanë për qëllim 25 milionë euro për blerjen e vaksinave25 milionë euro për blerjen e vaksinave e mbulimin e kostos për planin kombëtar për vaksinim”.

Deputeti nga Aleanca për Ardhmërinë e Kosovës, Pal Lekaj gjatë mbledhjes së mbajtur është shprehur se nuk ka produktivitet kjo marrëveshje.

“Sa i përket kësaj marrëveshje, kur implimentohet pas ratifikimit, kur fillon të zbatohet, prandaj ne jemi vonuar në këtë drejtim dhe ka qenë i domosdoshëm, nuk shoh produktivitet në kohën afatshkurtër”, tha Lekaj.

Po ashtu edhe deputeti i Partisë Demokratike të Kosovës, Bedri Hamza është shprehur se nuk është praktikë e mirë hyrja në borxhe për shpenzimet e paspecifikuara.

“Është një dritare e mirë që ne si Kosovë mund ta shfrytëzojmë, në marrëveshjen origjinale kanë qenë 25 milionë kredi për blerjen e vaksinave, por tash po shkoni përtej kësaj dhe unë besoj që nuk është praktik e mirë me hi borxh për shpenzimet e paspecifikuar”, është shprehur Hamza.

Gjithashtu është bërë e ditur se komisioni ka miratuar raportin vjetor financiar i Autoritetit Rregullator për Shërbime të Ujit për vitin 2020.

Zëvendësdrejtori i Autoritetit Rregullator për Shërbimet e Ujit, Xhelal Selmani është shprehur se në çdo vit ARRU-ja ka shkurtim të buxhetit

“ARRU, për çdo vit fiskal ka shkurtim buxhetore dhe që po e vështirëson veprimtarinë. Ne kemi dorëzuar raportin në mënyrë të detajuar”, është shprehur ai.

Për arsye të vaksinimit të personave përgjegjës në Komision nuk kanë raportuar përfaqësuesit e Autoritetit Civil për vitin 2020.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.