Qeveria e prodhuesit të dytë më te madh të naftës në Organizatën e Vendeve Eksportuese të Naftës (OPEC), Irakut, tha se çmimet e naftës së papërpunuar, do të qëndronin rreth 65 dollarë për fuçi edhe në muajt e ardhshëm.
Gjithashtu ajo njoftoi se po konsideron blerjen e aksioneve të kompanisë amerikane të naftës, Exxon Mobil Corp, në një nga burimet e naftës më të mëdha në botë.
OPEC-u dhe 23 aleatët e saj, ndryshe të njohur si OPEC +, do të vazhdojnë përpjekjen të mbajnë çmimet e naftës së papërpunuar “brenda mesatareve normale”, u tha Ministri i Naftës në Irak, Ihsan Abdul Jabbar, gazetarëve në Bagdad.
“Nuk ka përse të shqetësohemi për një rënie të çmimit të naftës”.
Komentet sugjerojnë që OPEC + mbetet i sigurt në lidhje me parashikimin e kërkesës për energji, me gjithë rritjen e rasteve të coronavirus-it në Indi, importuesi i tretë më i madh i naftës.
Aksionet e Exxon
Bagdadi mund të përfundojë duke blerë 32.7% të aksioneve të Exxon në fushën e naftës West Qurna-1, në Irakun jugor, tha ministri.
Kompania amerikane po planifikon të shesë aksionet e saj në këtë zonë, e cila ka rezerva të naftës prej më shumë se 20 miliardë fuçi. Arsyeja e shitjes së aksioneve bëhet pjesërisht për të zvogëluar borxhin e akumuluar vitin e kaluar.
Ministri gjithashtu tha se Iraku do të shpenzonte 3 miliardë dollarë në pesë vitet e ardhshme për të rritur prodhimin e gazit natyror me rreth 40%, apo në 950 milionë metra kub në ditë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Evropa Lindore kërkon reagimin e NATO-s për shkeljet e hapësirës ajrore nga Rusia
-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Oficeri i CIA-s që abuzoi seksualisht me disa gra, mund të burgoset për 30 vjet
-
Një bandë mori pagesën më të madhe ndonjëherë për zhvatje kibernetike
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi