UEFA ka publikuar lajmin se tetë vende pritëse të Euro 2020, që do të zhvillohet këtë verë, do të mirëpresin tifozë në shkallët e stadiumeve. Ndërsa, katër vendet e mbetura, do të marrin vendimin përfundimtar deri më 19 prill.
UEFA, së bashku me vendet pritëse hartuan një strategji hapëse të stadiumeve në masën nga 25% deri në 100% dhe pas konsultimeve me Organizatën Botërore të Shëndetësisë (WHO), tetë vende pranuan hapjen e stadiumeve.
Shën Petersburgu ka konfirmuar tashmë se stadiumi i tyre do të hapet në masën e 50% të kapacitetit. Budapesti po synon hapjen e plotë, pra në masën 100%. Londra ka konfrimuar hapjen në kapacitet 25%.
Në Azerbajxhan, në kryeqytetin Baku është konfirmuar hapja e stadiumeve në masën 50%, me tifozët që duhet të paraqesin rezultatet e testit të Covid-19, përpara se të hyjnë në stadium.
Amsterdami, Bukureshti, Kopenhegeni dhe Gllasgou kanë konfirmuar hapjen në kapacitet midis 25-33%. Me Amsterdamin, Bukureshtin dhe Kopenhagenin që kanë lënë të hapur mundësinë e rritjes së kapaciteteve.
Katër qytetet e mbetura janë: Mynihu, Roma, Bilbao dhe Dublini, të cilat duhet të vendosin deri më 19 prill se cili do të jetë vendimi në lidhje me organizimin e ndeshjeve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama: Kallëzimi i pabërë i Bardhit iu shit si sapun për djathë italianëve
-
Bislimi: Propozimet e Serbisë s’i pranoi as Lajçaku
-
Franca kërkon të përdorë sistemin e mbrojtjes ajrore të Greqisë për Lojërat Olimpike
-
Deputetja e LVV-së i bën thirrje prokurorisë ta hetojë ministrin Aliu për skandalin rreth ambalazhuesve të ujit
