Presidenti i Serbisë, Aleksandër Vuçiç, do të jetë pjesë e Forumit Ekonomik Botëror, që po mbahet në Davos të Zvicrës.
Kështu të paktën njofton agjencia e lajmeve serbe, Tanjug, të martën e 24 majit.
Gjatë forumit, Vuçiç, do të ketë edhe takime dypalëshe me zyrtarë shtetërorë dhe përfaqësues të ndryshëm të institucioneve financiare.
Por, njëra ndër ngjarjet kryesore në margjinat e forumit, të paktën për rajonin, do të jetë paneli me temën “Dialogu Diplomatik për Ballkanin Perëndimor”, në të cilën pjesëmarrës përveç Vuçiç do të jetë edhe Kryeministri i Kosovës, Albin Kurti, i cili pas përfundimit të vizitës së tij 16 ditore në Shtetet e Bashkuara të Amerikës ka udhëtuar për në Zvicër për të qenë pjesëmarrës në Forumin Ekonomik Botërorë.
Ndryshe takimi i fundit – ndonëse joformal- në mes të Kurtit dhe Vuçiç, daton më 4 maj, kur dy liderët shtetëror pas takimeve të ndara që patën me kancelarin gjerman, Olaf Scholz, darkuan në pallatin Borsig në Gjermani, në prezencën e të dërguarit special të Bashkimit Evropian, Miroslav Lajçak.
“Gjatë takimit, Kryeministri Kurti ritheksoi qëndrimin për një marrëveshje ligjërisht të obligueshme, që normalizon plotësisht marrëdhëniet ndërmjet dy shteteve, duke pasur në qendër njohjen reciproke”, thuhej në njoftimin e zyrës për media të Kurtit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë