Pasi që të premten, zyra në fjalë do të mbajë mbledhjen e nëntë të bordit, ku në pikën e shtatë të rendit të ditës do ta shqyrtojë aplikacionin në fjalë.
Një ditë më parë, Kosova dhe Serbia nënshkruan një marrëveshje në sektorin e energjisë, apo më saktësisht një udhërrëfyes për zbatimin e marrëveshjeve të arritura gjatë vitit 2013 dhe 2015 në këtë fushë, ku njëra nga pikat detyronte ZRRE-në që t’ia lëshojë licencën furnizimi Elektroseverit.
I pari që kishte lajmëruar arritjen e një marrëveshjeje ishte i dërguari special i Bashkimit Evropian për dialogun Kosovë-Serbi, Miroslav Lajçak, i cili kishte plasuar edhe marrëveshjen e arritur që përmbante 9 pika.
Njëra ndër pikat e marrëveshjes detyron që brenda 10 ditëve nga lëshimi i licencës për furnizim, Elektrosever të nënshkruajë marrëveshjet e nevojshme teknike me KOSTT-in dhe KEDS-in për të operuar në tregun energjetik të Kosovës.
Për arritjen e marrëveshjes kishte shkruar edhe zëvendëskryeministri, Besnik Bislimi, të cilën e kishte cilësuar si fitore për palën kosovare.
“Më në fund kemi adoptuar implementimin për Marrëveshjen për Energjinë që buron nga 2013 dhe 2015. Kjo mundëson faturimin e energjisë elektrike në katër komunat Veriore të Kosovës, nën ligjet e Kosovës dhe sistemin rregullator”, ka shkruar ai në Twitter.
Fitoren e kishte shpallur edhe kryenegociatori serb, Petar Petkoviç, i cili në këtë mes si të rëndësishme e kishte cilësuar faktin, se Elektrosever-it iu është dhënë mundësia që të ofrojë shërbime të distribucionit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë